Diosta hatunchanapaq mosoq takikuna
1 Estados Unidos nacionpin 2014 wata 4 octubre killapi, Watch Tower Bible and Tract Society of Pennsylvania nisqa corporación sapa wata ruwasqan huñunakuyta aparirqan. Chaypin llapa iñiqkunata yuyarichikurqan takinanchis takikuna Diosta hatunchanapaq kasqanta (Sal. 96:2). Hinaspapas willakurqanmi wakin takikunaq letran cambiakunanta. ¡Llapa iñiqmasikunan chayta uyarispa anchata kusikurqanku!
2 Yaqapaschá nishanki: “¿Imaraykutaq takikunari cambiakunqa?”, nispa. Ñawpaqta, Bibliamanta yachasqanchis astawan sut’inchakusqanrayku. Chaymi chayman hina wakin letrakunapas cambiakunan (Prov. 4:18). Iskaypi, takinanchis libropi letrakunaqa Traducción del Nuevo Mundo Bibliamantan horqokurqan. Kunantaqmi chay Biblia revisakun hinaspa wakin simikuna cambiapun. Takikunapi letrakuna cambiayqa sasan, chaymi decidikurqan huk takikunatawan ruwakunanpaq.
3 Chhaynaqa, ¿huk takina libroraqchu lloqsimunqa chay mosoq takikunata takinapaq? Manan. ¡Chay mosoq takikunaqa jw.org nisqapin kay killakunallapi lloqsimunqa! Sapanka taki lloqsimuqtinmi huk programaq tukuyninpi churakunqa “mosoq taki” nispa.
4 Mosoq takikunata takisun: Yaqapaschá wakinpaqqa sasa kanman mosoq takikunata yachay. Ichaqa huk salmistan nirqan: ‘Manan upallakuymanchu, yupaychaykunatan takipusqayki’, nispa (Sal. 30:12). Chaytan ñoqanchispas ruwananchis. Ichaqa, ¿iman yanapawasunman chay takikunata yachanapaq? Qatimuq parrafokunapin yanapaykunata rikusun.
Yapa-yapamanta takita uyariy, chaymi yanapasunki umaykipi hap’inaykipaq. Chay takiqa jw.org nisqapin lloqsimunqa.
Letrakunata leey umaykipi qhepanankama.
Askha kutita takiy umallaykimanta takinaykikama.
Familiaykiwan estudiasqayki p’unchaypi askha kutita takiychis umaykichispi allinta hap’inaykichiskama.
5 Huk mosoq taki chayamuqtinqa, “predicayta yachanapaq huñunakuy” tukuytan chay takita uyarisun. Chay qhepamanñan huk huñunakuykunapi hina llapallanchis takisun.
6 Jehová Diosta chay hina sumaq takikunawan huñunakuykunapi huk hinalla hatunchayqa ancha kusikunapaqmi. Chaymi huñunakuypi takinanchis kaqtinqa mana yanqa qasi purishanachu.
7 ¿Maypin rikuchillasunmantaq takikunata ancha valorniyoqpaq qhawarisqanchista? Asambleakunapi uyarinapaq takikunata tiyananchispi makilla uyarispa. Hinaspapas yuyarinanchismi chay takikuna sasawan ruwakusqanta. Watapi 2 kutitan huk nacionkunapi tiyaq iñiqmasikuna tukuy gastonkuta pagakuspa Estados Unidos nacionpi Patterson llaqtata viajanku. ¿Imaman? Diosta yupaychanapaq sumaq takikunata ruwanankupaq. Chaymi asambleakunapi uyarinapaq takikunata tiyananchispi uyarikunanchis. Chaymi sonqonchista kicharinqa yachachikuykunata uyarikunapaq (Esdras 7:10).
8 Kay huñunakuy tukuytan huk mosoq takita takisun, chay takin nin: “Diospa gobiernonmi kamachikushanña”, nispa. Chay takiqa ruwakurqan Jesús 100 wataña kamachikusqanraykun. Chaymi takikurqan Estados Unidos nacionpi chayllaraq aparikusqan huñunakuypi.
9 Chay mosoq takikunaqa Diosmanta hamuq ‘allinkaqkunan’ (Mat. 12:35). Chayrayku kallpachakusun umanchispi hap’inapaq tukuy sonqowan takinapaqpas. Chayta ruwaspan Jehová Diosninchista hatunchasun (Sal. 147:1).