Estudianapaq yanapaykuna
Umanchisman grabasun Diosta “adorana takikunata”
Estados Unidos nacionpi Lorraine sutiyoq hermanan nin: “Imamantapas sinchi llakisqa kashani chayqa, JW Canalpi kaq takikunatan uyarini, chaykunawanmi Jehová Diosqa kallpachawan”, nispa.
Jesusta qatikuqkunaqa takiqkupunin Jehová Diosta “adorana takikunataqa” (Col. 3:16). Kunanpas takikushallanmi chay takikunataqa. Sichus umaykipi grabanki chay takikunata chayqa, manaña takinayki libro ni celularniyki kanqachu chaypas, atillankin takiyta. Kaypin kashan consejokuna imaynatas grabawaq chaypaq.
Tiempota t’aqay takikunata leenaykipaq. Chay takikunata allinta entiendenki chayqa faciltan yuyarinki. Chay takikunaq letranmi kashan jw.org paginapi, chaypin kashallantaq JW Canalpi lloqsimuq takikunapas wawakunapaq kaq takikunapas. Chay paginaman jaykuspa jaykuy “Qelqakuna” nisqaman, chaymantataq jaykuy “Takikuna” nisqaman.
Takikunata juj papelpi qelqay. Chayta ruwanki chayqa, aswan faciltan umaykipi grabanki (Deut. 17:18).
Fuerte kunkawan takiy. Chay takikunata leey, otaq askha kutita takiy; ichaqa fuertetan leenki, takinkipas.
¿Yuyashankichu? Chaypaqqa takina letrata ama qhawaspalla takiy, chaymantataq takisqaykita letrawan tupanachiy, imaynachá rirqasunki.