Asambleapaq invitamusunchis

1. ¿Hayk’aqmantapachan invitacionkunata rakisun?

¹ Sichus anchata kallpachakurqanchis amigonchiskunaman familianchiskunaman sumaq mikhunata qonanchispaq chayqa, ancha kusikuywanchá invitanchis. Kinsa p’unchay huñunakuypaq mikhuna espiritualta preparakunanpaqpas imaymanatan ruwakurqan. Chaymi kinsa semana ñawpaqta chay huñunakuypaq invitacionkunata rakimunanchispaq Jehová Dios kamachiwanchis. ¿Iman yanapawasun kusikuywan rakimunanchispaq?

2. ¿Iman yanapawasun tukuy sonqowan rakimunanchispaq?

² Jehová Diosqa hatun huñunakuykunapin sumaq mikhuna espiritualta qowanchis, chaypi piensaymi yanapawasun tukuy sonqowan invitacionkunata rakimunanchispaq (Is. 65:13, 14). Hinaspapas runakunaqa hamunkun invitacionta chaskikusqankurayku (qhaway “Hamunkupunin” recuadrota). Yaqapaschá invitasqanchis runakunamanta wakillan hamunqaku, chhaynaña kaqtinpas tukuy sonqowan invitasqanchismi Jehová Diosta hatunchanqa (Sal. 145:3, 7; Apo. 22:17).

3. ¿Imaynatan rakimusun?

³ Iñiq t’aqapi umallikunan decidenqaku imaynata invitacionkuna rakikunanta. Decidenallankutaq runakunata mana tarisqanku wasikunapi saqenqakuchu manachus chayta, otaq askha runakunaq kasqanpipas rakinqakuchus manachus chaytawan. Sabadonkunapi domingonkunapi revistakunawan kuskata invitacionta munachikunqa. Chay llank’ayta tukuspaqa may kusisqachá sientekusun invitación rakiypi yanapakusqanchismanta, hinallataq invitamusqanchis runakunawan kuska Jehová Diospa qowasqanchis espiritual mikhunata chaskikusqanchismantapas.

Hamunkupunin

Qayna watakunallan huk hermananchis kinsa p’unchay asambleapaq invitación rakiypi yanapakurqan, hinan nirqan: “Yanqachus hina kayta ruwashanchis”, nispa. Tapukurqantaq: “¿Invitamusqanchis runakuna hamunkumanchu chay huñunakuyman?”, nispa. Sábado tutamantanta hermananchispa ladollanpi sij religionmanta huk runa tiyasharqan hinan hermananchis asuykuspa sutinta willarqan. Chay runaqa invitacionta chaskikusqanraykun asambleaman risqa. Paypaqa askhan tapukuynin karqan, hinan hermananchisqa kusisqa kutichirqan. Chay runan hermananchista nirqan: “Munaymi kay huñunakuyqa, allintan p’achakunkichispas”, nispa. Chay kikin p’unchayllapitaq huknin ladonpi tiyaq casarasqa runakunawanpas parlallarqantaq, paykunapas nirqankun: “Invitacionta chaskikusqaykuraykun karumantaraq hamuyku, sumaqtan uyariyku chaymi domingota hamullasaqkutaq”, nispa. Chayraqmi hermananchis repararqan allinpuni invitación rakiypi yanapakuy kasqanta.
Huk kutinmi casarasqa iñiqmasinchis kinsa p’unchay asambleapi iskay kurak runakunaman asuykurqanku. Chay iskay kurak runakunan chayllaraq chay huñunakuyman hamusqaku. Hinan iñiqmasinchiskuna tapurqanku: “¿Pikunan invitamurqasunkichis?”, nispa. Paykunataq nirqanku: “Wasiykuman chayaqtiykun huk invitacionta punkuykupi tarirqayku”, nispa. Invitacionta leesqanku qhepamantaq sutinkuta direccionninkuta ima chay invitacionpi qelqarqanku. Chay huñunakuypin wakin iñiqmasikuna chay iskay kurak runakunawan kuska mikhurqanku. Discursokunata uyarisqankun sonqonkuman chayarqan, chaymi decidikurqanku huk kaq p’unchaytawan rinankupaq. Hinan paykunawan rimarqanku Bibliamanta estudiota qonankupaq.