Invitación rakiyqa allinpin tukun
Kinsa semana hatun huñunakuy ñawpaqta askha runakunata invitamunanchis kanqa, chaymi chay sumaq llank’aypi yanapakunanchis. Ñawpa watakunapi hatun huñunakuyman hamuq runakunan admirakurqanku discurso uyarisqakumanta, huñunakusqanku localpi sumaqta llank’asqankumanta, llapallanku huk nisqalla kawsasqankumantapas (Sal. 110:3; 133:1; Is. 65:13, 14). ¿Kay rakisqanchis invitacionkunapas yanapanmanchu karu llaqtapi tiyaq runakunata?
Arí, ¿imaynapi? 2011 watapi hatun huñunakuy aparikusqan qhepatan huk warmi sucursalman cartata apachisqa, paysi Testigokunamanta pakakuq, ichaqa punkunpis huk invitacionta tarisqa. Chay cartapin nin: “Ñoqaqa sumaq wasiyoqmi kani, qosaypas munakuq sonqon, chaymi mana imapas faltawanchu kusisqa kanaypaq nispa yuyaykurqani, ichaqa mana chhaynachu karqan. Chayraykun sábado p’unchaypi chay huñunakuyman rinaypaq decidekurqani 320 kilómetro hinaña viajanay kaqtinpas”, nispa. Ancha kusisqan kasqa chay huñunakuypi, chaymi qosanta telefononta waqyaspa nirqan chay tutata mana wasiman chayananpaq aswanpas domingotawan chay huñunakuypi qhepakunanpaq. Nillantaq: “Llapa discursokunatan uyarikurqani, askha Testigokunatapas reqsirqani, chaymi manapuni munarqanichu chay huñunakuy tukunanta”, nispa. Wasinman kutipuspa Bibliata estudiayta qallarirqan tawa killa qhepamantaq mana bautizasqa publicadoraña kapurqan. Nillantaqmi: “Anchata kusikuni wasi punkuypi chay invitacionta tarisqaymanta, kunanñan yachani imapaq kawsasqayta”, nispa.
Yaqapaschá invitacionta chaskikuq runakuna hatun huñunakuyman hamunqaku. Chaymi tukuy sonqomanta yanapakunanchis chay sumaq llank’aypi. Sichus chay invitacionkunata mana tukunkichu chayqa, hatun huñunakuy localman apay chay llaqtapi pitapas invitamushanallapaq.
[5 paginapi recuadro]
¿Imaynatan chay invitacionta rakisun?
Sichus predicasqanchis cheqasta tukuyta munanchis chayqa pisillapi rimananchis, nisunman: “Imaynalla, huk ratochalla visitamushayki hinaspa kay invitacionta saqeshayku llapa runakunaman. Kayqa qanpaqmi, chaypin willashan maypi, ima horapi aparikunanta”, nispa. Ichaqa tukuy sonqowanmi chayta ruwananchis. Semana tukuyta chay invitacionta rakisun chayqa revistatapas munachisunman.