Predicanapaq yanapaykuna: ¿Imaynatan predicasunman huk simi rimaq runakunaman?

Imarayku allinpuni. Jehová Diosmi munan llapa runakuna Bibliamanta yachanankuta (Hech. 10:34, 35). Jesusmi nirqan allin willakuykunaqa “kay pachantinpi” llapa nacionkunaman willasqa kananta (Mat. 24:14). Zacariastaqmi willarqan imaymana simi rimaq runakuna allin willakuykunata uyarikunankuta (Zac. 8:23). Apóstol Juanpas huk mosqoypin rikurqan “llapa suyukunamanta, ayllukunamanta, llaqtakunamanta, tukuy rimaykunamantawan” manchay ñak’ariyta kawsashaqlla pasasqankuta (Apo. 7:9, 13, 14). Chaymi ñoqanchispas huk simi rimaq runakunawan tupaspaqa kallpachakunanchis Bibliamanta yachachinanchispaq.