Allin willakuykuna nisqa folletowan yachachisun
1. ¿Imayna estudianapaqmi chay folleto ruwasqa kashan?
1 Julio killapi lloqsimuq Diosmanta Willasunchis qelqapi nikusqan hina, ancha allinpunin ¡Diosmanta hamuq allin willakuykuna! nisqa folletowan yachachiy. Chay folletopi textokunaq imachus nisqanqa manan copiasqachu kashan, sapanka estudianten chaytaqa Biblianpipuni qhawarinan. Chay folletoqa huk yachachiqwan estudianapaqmi ruwasqa kashan, manan sapallan estudianapaqchu. Chayraykun pimanpas chayta qonanpaqqa qhawachinanchis imaynatachus chaywan yachachinchis chayta, chhaynapin uyariwaqninchisqa allinta rikunqa Bibliaq yachachisqanqa ancha allin kasqanta (Mat. 13:44).
2. ¿Imaynatan chay folletota munachisunman?
2 ¿Imaynatan munachisunman? Nisunmanmi: “Noticiakunata uyarispan askha runakuna llakikunku. ¿Ima niwaqtaq? ¿Tukupunqachu tukuy mana allin ruwaykuna? [Uyariy kutichisqanta.] Bibliapin tarisunman sumaq willakuykunata. Chaypaq kay folletota apamushayki, chaypin willakushan Bibliaq yachachisqanmanta”, nispa. Chayta nispataq folletota qosunman, hinaspa tukukuy paginata qhawachispa nisunman: “¿Mayqen tapuymanta yachayta munawaq?” nispa. Chaymantataq akllakusqan tapuymanta willaq paginata kichasunman, hinaspa ñawpaq parrafowan qhawachisunman imaynata Bibliamanta yachachinchis chayta. Otaq ñoqanchis akllasunman folletomanta huk tapuyta, hinaspa qhawachisunman imaynatas chay tapuyta kutichisunman chayta. Sichus jw.org nisqapi kan chay tapuyman kutichiq huk video chayqa qhawachiwaqmi.
3. ¿Imaynatan chay folletowan estudiota qosunman?
3 ¿Imaynatan estudiota qosunman? 1) Numeroyoq tapuytan ñawpaqta leena, chhaynapin yachachisqanchis runa yachanqa imamantachus yachasunchis chayta. 2) Chaymantataq parrafota leena. 3) Leenapaq akllasqa textokunatan leena, hinaspa wakin tapuykunata ruwasunman chhaynapi numeroyoq tapuyta Bibliaq nisqanman hina kutichinanpaq. 4) Huk parrafokunapas kan chayqa, ñawpaq parrafowan hinan ruwananchis. Sichus chay tapuyman kutichinapaq kan huk video chayqa qhawachiwaqmi. 5) Chaymantañan numeroyoq tapuyta wakmanta tapusunman. Chhaynapin yachasun allintachus entiendeshan icha manachus chayta.
4. ¿Imaynapin chay folletowan allinta yachachisunman?
4 Allintan reqsinanchis chay folletota, sapa kutillataqmi chaywan predicananchis. Chaywan estudiota qonapaqpas allintan piensananchis yachachisqanchis runapi, chhaynapin folletopi kaq textokunawan allinta entiendechisun (Prov. 15:28; Hech. 17:2, 3). Chay folletowan allinta yachachisunchis chayqa, astawanchá chaywan predicayta munasunchis.