CRISTIANO KAUSAYNINCHIS

**¿Imakunapin yanapawanchis JW Library?**

ESTUDIANAPAQ:

Bibliata leey, jinallataq sapa p’unchay T’aqwisun folletotapas.
Leey Anuario librota, revistakunata juj qelqakunatapas. “Marcadores” nisqawan yanapachikuy.
Juñunakuypaq preparakuy, colorkunawantaq kutichiyninta marcay.
Videokunata qhaway.

Discursanteq nimusqan textokunata maskhay. “Historial” nisqawan yanapachikuy facil-llata ñaupaqta leesqayki textoman kutinaykipaq.
Askha librokunata apanaykimantaqa JW Library programata utilizay juñunakuypi tratakusqanta seguinaykipaq, jinallataq takinaykipaqpas. Chay programapiqa ñan mosoq takikunapas churasqaña kashan.

Yachayta munaq runaman juj temata qhawachiy JW Library nisqapi, yanapaytaq chay aplicacionta celularninpi otaq tabletninpi descargananpaq, jinallataq juj qelqakunatapas.
“Buscar” nisqawan yanapachikuy facil-llata juj textota tarinaykipaq. Chaypaqqa juj palabrallata otaq wakin palabrakunallata churaspan maskhawaq.
Juj videota qhawachiy. Wasiyoqpa wawankuna kan chayqa, Jehová Diospa amigon kay nisqapi lloqsimuq videotan qhawachiwaq. Chaymantapas ¿Imaraykun Bibliata estudianayki? videotan qhawachiwaq, chhaynapin animawaq Biblia estudiayta qallarinanpaq. Sichus chay runa juj simita riman chayqa, chay simipin videokunata maskhawaq.
Juj simita rimaq runaman Bibliamanta juj versiculota leepuy rimasqan simipi, chaypaqqa antestaraqmi descargarankiña rimasqan simipi Bibliata. Maskhay versiculota jinaspa numerota ñit’iykuy, chaymantataq juj simikunapiwan Biblia lloqsinanpaq botonpi ñit’iykuy.