Predicanapaq yanapaykuna: Estudiantekunata yanapay Diosman prometekuspa bautizakunankupaq

¿IMARAYKUN ALLINPUNI? Jehová Dioswan allinpi kanankupaqqa, Biblia estudiaqkunaqa Diosman prometekuspan bautizakunanku (1 Ped. 3:21). Promesa ruwasqankuman jina kausaqkunaqa espiritualpi pakaykusqan kanku (Sal. 91:1, 2). Cristianokunaqa Jehová Dioswanmi comprometekunchis, manan runawanchu, juj llank’aywanchu nitaq ima organizacionwanchu. Chayraykun estudiantekunaqa necesitanku Dios munakuyta sonqonkupi wiñachiyta (Rom. 14:7, 8).

¿IMAYNATAN RUWAWAQ?

• Estudiota qoshaspa qhawarichiy chay willakuy imatachus Diosmanta yachachisqanta, sapa p’unchay Bibliata leey Diosmanta tukuy tiempo mañakuypas importante kasqantawan (1 Tes. 5:17; Sant. 4:8).

• Estudianteykita animay Diosman prometekunanpaq bautizakunanpaqpas. Yanapallaytaq juj metakunaman aypananpaq, yaqapaschá juñunakuykunapi comentananpaq, vecinonkunaman llank’aqmasinkunamanpas predicananpaq. Jehová Diosqa manan pitapas obliganchu payta servinanpaq, Diosman promesa ruwayta decidikuyqa paykuna kikinkumantan kanan (Deut. 30:19, 20).

• Estudianteykita yanapay vidanpi cambiokunata ruwananpaq, chhaynapi Diospa munayninman jina kausananpaq jinallataq bautizakunanpaq imakunachus necesitakusqanta junt’ananpaq (Prov. 27:11). Yaqapaschá manaraq saqenchu wakin costumbrenkunata otaq imayna piensasqantapas, jinaspa yanapanata necesitashan ‘mauk’a runa’ kayta orqokuspa ‘mosoq runa’ kaywan p’achakunanpaq (Efes. 4:22-24). Qhawaq revistapi lloqsimuq “Bibliaq yanapayninwan cambianku” nisqapi experienciakunata willay.

• Estudianteykiman willay payta servispa kusisqa sientekusqaykita (Is. 48:17, 18).