Utilizay JW.ORG nisqa tarjetata

Manchay ñak’ariyqa nishu cercapiñan kashan, chaymi usqhaylla predicananchis (Prov. 24:11, 12, 20). Runakunatan yanapasunman jw.org nisqa tarjetata saqespa, chaymi yanapanqa Bibliamanta yachanankupaq, internetpi direccionninchisman jaykunankupaqpas. Tarjetakunapin kashallantaq juj código, chaymi apan ¿Imaraykun Bibliata estudianayki? videoman. Chaypin kashallantaq astawan yachanapaq otaq estudiota chaskinapaq invitación. Wakin runakunaqa manan munankuchu qelqakuna chaskiyta ichaqa munankun jw.org direccionman jaykuyta; paykunamanmi saqewaq. Ichaqa ama saqeychu wasinkupi mana tarispaqa otaq mana interesakuq runakunamanpas.

Maypi kashaspapas saqesunmanmi tarjetata, khaynata nispa: “Kay tarjetata saqesayki kaypin kashan internetpi dirección, chaypin tarinki allin yachachikuykunata imaymana temamanta videokunatapas”, nispa (Juan 4:7). Tarjetakunaqa juch’uyllataq chayqa, apawaqmi maytaña rispapas runakunaman qonaykipaq.