Diosmanta willanaykipaq internetpi jw.org nisqawan yanapachikuy

Internetpi jw.org paginaq qallariyninpin kashan askha willakuykuna videokuna ima, chaykunaqa runakunaq sonqonman chayananpaq jinan ruwasqa kashan (Hech. 13:48). Chay willakuykunaqa kashan imakunachus kay tiempopi pasashan, imakunachus runakunata llakichin chayman jinan.

¿Imaynatan Diosmanta willananchispaq jw.org nisqawan yanapachikusunman?

• Sapa kutilla jw.org nisqaman jaykuy. Chaypi lloqsimuq yachachikuykunata qhaway, jinaspa piensay imaynatas Diosmanta astawan willanaykipaq yanapasunkiman chayta. (Ñaupaqpi ima yachachikuykunachus lloqsimurqan chayta yachanaykipaq jaykuy “Astawan qhaway” nisqaman). Chaypi kaq yachachikuykunaqa yanapasunkin aswan allinta Diosmanta willanaykipaq.

• Runakunawan rimayta qallariy chaypi lloqsimuq willakuykunawan videokunawan ima. Chaypi lloqsimuq yachachikuykunan yanapasunki imakunas runakunata llakichin chayta yachanaykipaq.

• Qhawachiy jw.org paginaq qallariyninta. Wakin yachachikuykunata qhawachiy, jinaspa yachachiy imaynatas juj yachachikuykunata tarinman chayta.

• Juj enlaceta apachiy. Wakin runakunaqa manan noqanchiswan uya-uyapura parlariyta munankuchu, ichaqa jw.org nisqa paginanchismanqa munankun jaykuyta. Chaymi paykunaman juj enlace nisqata apachiwaq jw.org nisqaman jaykunankupaq, otaq juj yachachikuyta leenanpaq otaq juj videota qhawananpaq.