Diosqa munanmi jamuq tiempopi kusisqa kausanaykita

¿Munawaqchu guerrakuna, wañuchinakuykuna, ch’aqwaykunapas tukukunanta?
¿Munawaqchu onqoykuna, ñak’ariykuna, wañuypas chinkananta?
¿Munawaqchu mana llakikuspalla tiyayta?
¿Munawaqchu terremotokuna, lloqllakuna manaña kananta?

Kay pachata kamaq Diosninchisqa munakuq Diosmi, paymi prometewanchis sumaq kausayta apamunanpaq, wiñaypaq kay pachapi kusisqa tiyananchispaqwan. Chayqa manan yanqa willakuychu.

Qatimuqpin kay tapuykunamanta yachasun:

¿Cheqaqtapunichu kamaqninchis munakuwanchis?
¿Imatan Jehová Dios Bibliapi niwanchis?
¿Imatan profetakuna willarankuña runakunapaq imatachus Dios ruwananmanta?
¿Imaynatan Dios yanapawasunman kunanpas jamuq tiempopipas kusisqa kausananchispaq?

Ñaupaqta qhawarisun imaynapin yachasunman Jehová Dios munakuwasqanchista.