‘Mosoq janaq pachapas mosoq allpa pachapas’ kusikunapaqmi

Isaías 65 capitulon rimashan mosoq janaq pachata mosoq allpa pachatawan Dios ruwananmanta. Chay promesaqa junt’akunmanñapas jinan hebreo simipi qelqasqa kashan, chaymi rikuchin cheqaqpuni kasqanta.

Diosmi kaman ‘mosoq janaq pachata mosoq allpa pachatawan’, chaypin ñaupaq sucedesqankunaqa qonqasqa kapunqa

65:17

¿Iman ‘mosoq janaq pacha’?

• Juj mosoq gobiernon, chaymi kay pachaman chanin kausayta apamunqa.

• Chay gobiernoqa 1914 watapin kamachiyta qallariran, Diospa gobiernonpi Cristo rey nombrasqa kaqtin.

¿Iman mosoq allpa pacha?

• Juj t’aqa runakunan kanku, paykunaqa lliu nacionkunamanta, rimaykunamanta, razakunamanta iman kanku; munankutaqmi Diospa gobiernonta kasukuyta.

¿Imaynapin ñaupaq sucedesqankuna qonqasqa kapunqa?

• Cuerponchista, yuyayninchista afectaq imaymana clase onqoykunaqa chinkapunqan, manañan chaykunataqa yuyarisunchu.

• Diospaq junt’aq sonqo runakunaqa ancha kusisqan tiyanqaku, chaymi sapa p’unchaypas sumaq kaqkunata yuyarinqaku.