“Taytaykita mamaykita sumaqta respetay”

Kay pachapi Jesús kashaspan “taytaykita mamaykita sumaqta respetay” nisqa kamachikuymanta rimaran (Éx. 20:12; Mat. 15:4). Payqa atiranmi chay niyta waynachallaraq kashaspa tayta-mamanta kasukusqanrayku (Luc. 2:51). Manaraq wañupushaspan asegurakuran mamitan qhepaman cuidasqa kananpaq (Juan 19:26, 27).

Kay tiempopipas cristiano wayna-sipaskunaqa tayta-mamanku respetasqankutan rikuchinku paykunata kasukuspa respetowan rimapayaspa ima. Tayta-mamanchista respetananchis tiempoqa manan tukukunchu. Edadniyoqña kapunku chaypas, paykunataqa respetananchismi sumaq consejonkunata uyarispa (Prov. 23:22). Chaymantapas kuraq tayta-mamanchista respetasqanchistan rikuchisunman allillan kanankupaq qhawarispa, jinallataq qolqewanpas yanaparispa (1 Tim. 5:8). Kuraqña otaq wayna-sipasña kanchis chaypas, paykunawan sapa kuti rimaspan astawanqa respetasqanchista rikuchisunman.

QHAWAY ¿IMAYNATAN RIMAWAQ TAYTA-MAMAYKIWAN? NISQA VIDEOTA, CHAYMANTATAQ KAY TAPUYKUNATA KUTICHIY:

• ¿Imaraykun mayninpi sasa kanman tayta-mamaykiwan rimay?

• ¿Imaynatan tayta-mamayki respetasqaykita rikuchiwaq paykunawan rimaspa?

  

• ¿Imaraykun kallpachakunayki tayta-mamaykiwan rimanaykipaq? (Prov. 15:22.)