CRISTIANO KAUSAYNINCHIS
Juj simi rimaq runakunaman predicaypi yanapakusun
Runakunaqa allintan uyarinku parlasqanku simipi predicaqtinchis. Chayraykuchá Pentecostés 33 watapi “kay pachapi llapa nacionkunamanta” Dios sonqo judiokunaqa rimasqanku simipi uyariranku allin willakuykunata, juj simikunataña yacharanku chaypas, hebreo otaq griego simita (Hech. 2:5, 8). Kunanpas kanmi congregacionkuna juj simikunamanta, predicankutaqmi predicasqanchis territoriokunapi. ¿Iman yanapanman chay congregacionkunamanta hermanokunata ama tiemponkuta usuchispa nitaq vecinokunata phiñachispa predicanankupaq?
Rimananchis (Prov. 15:22): Predicacionta qhawariqkunaqa acuerdopin kananku predicacionta allinta organizanankupaq. Juj simikunata predicaq congregacionkunaqa yaqapaschá niwasunman predicasqanku wasikunata ama predicanapaq. Ichaqa chay predicasqanku lugarqa nishu jatunmi manataqmi ancha predicakunchu, chaymi allin kanman lliu wasikunata predicay, pipas Bibliata estudiayta munaqtintaq willasunman rimasqan simipi congregacionman (od-S pág. 93 párr. 37). Yaqapaschá congregacionninchista ninkuman chay simi rimaq runakunata tarispa willananchispaq (km 7/12 pág. 5, recuadro). Mayninpiqa juj wasillapin rimankuman juj simi mastaraq. Lliu predicakusqan lugarkunapin respetakunan chay llaqtapi runakunaq allinninpaq kaq leykunata.
Yanapay (Efes. 4:16): Predicacionta qhawariq nisqanman jinan ruwananchis. Yaqapaschá Bibliamanta estudiota qoshanchis juj simita rimaq runaman. Chhayna kaqtinqa aswan allinmi kanman rimasqan simipi kaq congregacionmanta juj hermanowan Bibliata estudiay, chhaynapi astawan iñiyninpi wiñananpaq.
Preparakuy (Prov. 15:28; 16:1): Predicasqanchis lugarpi tarisunman juj simi rimaqta chayqa, kallpachakunanchismi Bibliamanta willananchispaq. Chaypaqqa yachanaykin ima simikunatan rimanku predicasqayki lugarpi, chayman jinataq preparakunayki, internetmantan descargawaq rimasqanku simipi Bibliata videokunata. Chaymantapas utilizasunmanmi JW Language nisqa paginata rimasqanku simipi saludayta yachanapaq.