Dios sonqo kaqkunawan purisun

¿Imaraykun Diosta munakuq runakunawan tiempota pasananchis? Mana allin runakunawan purisun chayqa, mana allinninchispaqmi kanqa (Prov. 13:20). Jehoás reymanta yachasunchis, payqa Jehová ‘Diospa munayninman jinan chaninta ruwaran’ Jehoiadá sutiyoq sacerdotewan amigontin kasqan tiempopi (2 Crón. 24:2). Chay sacerdote wañupuqtinmi ichaqa Jehoás reyqa manaña Jehová Diosta kasuranchu mana allin runakunawan juñukusqanrayku (2 Crón. 24:17-19).

Ñaupa tiempopin apóstol Pabloqa iñiq t’aqata compararan juj ‘jatun wasiwan’, iñiq t’aqapi kaqkunatataq wasipi kaq ‘serviciokunawan’. ¿Imaynapin ‘allin kaqkunata ruwanapaq servicio jina’ kanchis? Diospa munayninta mana ruwaq runakunawan ama nishuta juntakuspan, familianchisña otaq iñiqmasikunaña kankuman chaypas (2 Tim. 2:20, 21). Chayrayku maskhashallasun Dios sonqo kaq amigokunata paykunan kallpachawasun Diosta servishanallanchispaq.

QHAWACHIY AMAPUNI MANA ALLIN RUNAKUNAWANQA JUNTAKUYCHU NISQA VIDEOTA, CHAYMANTATAQ QATIMUQ TAPUYKUNATA RUWAY:

• ¿Imaynapin mana reparakuspalla mana allin amistadkunawan juntakushasunman?

• ¿Iman yanaparan videopi kinsantin cristianokunata ama mana allin runakunawan juntakunankupaq?

• ¿Bibliapi ima textokunan yanapawasunman allin amigokunata ajllakunanchispaq?