Piensashallasun tukuy allin kaqkunapi

Filipenses 4:8 texton rimashan cheqaq kaqpi, respetanapaq kaqpi, chanin kaqpi, ch’uya kaqpi, munakuyman apaq kaqpi, allin qhawarisqa kayman apaq kaqpi, tukuy allin kaqkunapi, lliu imapas jatunchanapaq jina kaqkunapi ima piensananchismanta. Chaywanqa manan nishanchischu tukuy tiempo Bibliallapiña piensananchismantachu. Ichaqa kallpachakunanchismi Jehová Diosta kusichiq kaqkunapi yuyaymanananchispaq, chhaynapi Diospaq junt’aq sonqollapuni kananchispaq (Sal. 19:14).

Allin kaqkunapi piensanapaqqa kallpachakunanchismi. ¿Imarayku? Juchayoq runa kasqanchisrayku, Satanás “kay pacha kamachiq dios” kasqanrayku ima (2 Cor. 4:4). Paytaq kay pachata kamachishan chayqa, paypa makinpin kashan televisionpi, radiopi, internetpi, jujkunapipas lloqsimuq imaymana kaqkuna, chaykunaqa yaqa llapanmi Diospa kamachikuyninkunaq contran kashan. Chaymi allinta ajllananchis imakunawanchus yuyayninchista junt’achishanchis chayta, chayman jinan imatapas piensasunchis ruwasunchispas (Sant. 1:14, 15).

QHAWAY AMAPUNI IMAPAS JUNT’AQ SONQO KASQANCHISTA PISIYACHICHUNCHU: MANA ALLIN KUSIRIKUYKUNA NISQA VIDEOTA, CHAYMANTATAQ QATIMUQ TAPUYKUNATA RUWAY:

• 

  ¿Imakunatan hermano celularninpi qhawaran, imaynapin mana allinninpaq karan?

• 

  ¿Imaynatan payta yanaparan Gálatas 6:7, 8; Salmos 119:37 textokuna?