Runakunawan rimanapaq yanapaykuna: Ñausa runakunaman Diosmanta willay

¿IMARAYKUN ALLINPUNI? Ñausa runakunaqa manchakunkun mana reqsisqanku runakunawan rimayta. Chaymi yachananchis paykunaman Diosmanta imayna willayta. Jehová Diosqa munakunmi paykunata, munantaqmi yanapaytapas (Lev. 19:14). Noqanchispas Jehová Dios jinan munakuywan ñausakunata yanapananchis.

¿IMAYNATAN RUWASUNMAN?

• Ñausa runakunata maskhay (Mat. 10:11). ¿Reqsinkichu tiyasqayki llaqtapi pi ñausa runatapas? ¿Kashanchu tiyasqayki llaqtapi ñausakunapaq ima asociacionpas? Kan chayqa, ¿munankuchu ñausakunapaq qelqakunata?

• Paykuna munakusqaykita reparachiy. Paykunata munakuywan sumaqta rimapayanki chayqa, mana manchakuspan uyarisunkiku. Chhaynaqa imamantachá yachayta munankuman chaymantan rimapayasunman.

• Jehová Diosta reqsinankupaq yanapay. Jehová Diospa llaqtanpiqa askha qelqakunatan ruwakuran ñausa runakunata yanapanapaq. Chhaynaqa paykunatan tapuwaq imayna qelqawan yachay munasqankuta. Jinaspapas ima qelqatas ñausa runa mañakuran, chaytan predicacionta qhawariq umalliqa qelqakunamanta encargakuqman willanan chay qelqata mañananpaq.