DIOSPAQ JINA KAUSASUN
Diospa wanachisqan runawan mana juñukuspaqa munakuq kasqanchistan rikuchishanchis
Jatun jucha ruwasqanmanta mana pesapakuq runaqa iñiq t’aqamantan qarqosqa kapun, chayta ruwaspaqa iñiqmasinchiskunatan cuidashanchis (1 Cor. 5:6, 11). Diospa wanachisqan runawan mana juñukuspaqa munakuq kasqanchistan rikuchishanchis. Iñiq t’aqamanta pipas qarqosqa kaqtinqa llakikunchismi riki, chhaynaqa ¿imaraykun munakuq kasqanchista rikuchishanchis chay runawan mana juñukuspanchis?
Chayta ruwaspan Jehová Diosta munakushanchis respetashanchistaq kamachikuyninkunatapas (1 Ped. 1:14-16). Chaymantapas wanachisqa runatan munakushallanchistaq. Wanachisqa kasqanqa yanapanmanmi Diosman kutirikunanpaq allin kaqta ruwananpaqpas (Heb. 12:5, 6, 11). Diospa llaqtamanta qarqosqa runawan juñukushallasun chayqa, Jehová Diospa wanachisqan kanantan jark’ashasunman. Jehová Diosninchisqa necesitasqanchisman jinan serviqninkunataqa wanachiwanchis (Jer. 30:11). Maytan munanchis iñiq t’aqamanta qarqosqa runakuna Diosman kutimpunankuta, chaykaman ichaqa kasukushanallanchis Diospa kamachisqanta, tukuy sonqowantaq payta servishanallanchis (Is. 1:16-18; 55:7).
TUKUY SONQONCHISWANMI JEHOVÁ DIOSTA SERVINANCHIS NISQA VIDEOTA QHAWASPA KAY TAPUYKUNATA KUTICHIY:
¿Imaynatan tayta-mamakuna sientekunku wawanku Jehová Diosmanta karunchakuqtin?
¿Imaynatan iñiqmasikuna yanapankuman qarqosqa runaq familiankunata?
¿Ima willakuymi yachachiwanchis familianchismantaqa Jehová Diosta astawan munakunanchis kasqanta?
¿Imata ruwaspan rikuchinchis familianchismantaqa Jehová Diosta astawan munakusqanchista?