Jehová Diosqa munakuwaspanchismi wanachiwanchis

Bibliapi wanachiymanta rimaspaqa pitapas yachachiymanta, corregiymanta, castigaymanta iman rimashan. Jehová Diosqa wanachiwanchis sonqonpaq jina kausananchispaqmi (Rom. 12:1; Heb. 12:10, 11). Mayninpiqa sonqo nanaymi wanachisqa kayqa. Chhaynaña kaqtinpas wanachiwasqanchista kasukusun chayqa, Diospaq jinan kausasunchis bendeciwasuntaqmi kanpas (Prov. 10:7). ¿Imatan yuyarinanku wanachiqkunapas wanachisqa kaqkunapas?

Wanachiqkuna. Iñiq t’aqapi umalliqkuna, familiapi umalliqkuna, jujkunapas munakuywanmi wanachinanku, imaynan Jehová Dios ruwan jinata (Jer. 46:28). Jatun juchaman urmaqtapas juchallikusqanman jinan munakuywan wanachinanku (Tito 1:13).

Wanachisqa kaqkuna. Ima ruwasqanchismantaña wanachisqa kasunman chaypas, kaqpachan kasukunanchis (Prov. 3:11, 12). Juchayoq kasqanchisraykun llapanchispas imallamantapas wanachisqa kasunchis. Jehová Diosqa wanachiwasunman Bibliapi leesqanchiswan, juñunakuypi uyarisqanchiswan iman. Yaqapaschá mayninpiqa iñiq t’aqapi umalliqkunawan jatun jucha ruwasqanchismanta wanachiwallasunmantaq. Diospa wanachiwasqanchista kasukusun chayqa, wiñaypaqmi kausasunchis (Prov. 10:17).

JEHOVÁ DIOSQA MUNAKUSQAN RUNAKUNATAN WANACHIN NISQA VIDEOTA QHAWASPA, KAY TAPUYKUNAMAN KUTICHIY:

• 

  ¿Imayna familiapin hermanonchis Canon wiñaran, iman qhepaman paywan pasaran?

• 

  ¿Imaynatan Jehová Dios payta wanachiran?

• 

  ¿Imatan yachasunman hermanonchista pasasqanmanta?