DIOSPAQ JINA KAUSASUN
Kinsa p’unchay asambleanchisqa munakuq kananchispaqmi yanapawanchis
Kinsa p’unchay asambleanchispi kaspaqa anchatan kusikunchis. Chaypin waranqa-waranqapi iñiqmasinchiskunawan Jehová Diosta jatunchanchis, chaytan Israel llaqtapas ruwaran. Chaymantapas chaypin Diospa yachachisqanta uyarinchis, chaypin amigonchiskunawan familianchiskunawanpas parlarinchis. Chay asambleakunaqa Diospa regalonmi chaymi kallpachakunanchis kinsantin p’unchay chaypi kananchispaq.
Asambleanchisman rispaqa manan imatas chaskinallanchispichu piensananchis, iñiqmasinchiskunatapas yanaparinanchismi (Gál. 6:10; Heb. 10:24, 25). Chaymi pikunallachus noqanchiswan tiyanqaku paykunallapaq tiyanataqa waqaychananchis, chaymantapas punkutan kicharisunman iñiqmasinchiskuna jaykunankupaq (Filip. 2:3, 4). Asambleanchiskunapiqa askha hermanonchiskunawanmi reqsinakusunman, chaypaqqa mana reqsisqanchis hermanonchiskunawanmi parlarinanchis. Chaytaqa ruwasunman asambleanchis manaraq qallarishaqtin otaq tukusqan qhepaman otaq kuska p’unchayta (2 Cor. 6:13). Chayta ruwasun chayqa paykunawanmi wiñaypaq amigontin kapusun. Jinaspapas munanakuspa kausasqanchista rikuspan jujkunapas Diosta servinkuman (Juan 13:35).
ASKHA NACIONKUNAMANTA ASAMBLEA: ‘MUNAKUYQA MANA TUKUKUQMI’ NISQA VIDEOTA QHAWASPA KAY TAPUYKUNAMAN KUTICHIY:
¿Imatan iñiqmasinchiskuna ruwaranku 2019 watapi askha nacionkunamanta asambleakunaman riq hermanonchiskunata sumaqta chaskinankupaq?
¿Imanaqtinmi jujkuna admirankunku Diospa llaqtanpi munanakuspa kausasqanchista rikuspanku?
¿Imatan umalliq t’aqamanta iñiqmasikuna niranku munakuymanta?
¿Imaynatan kinsa p’unchay asambleakunapi munakuq kasqaykita rikuchiwaq?
¿Imaynatan munanakuspa kausasqanku iñiqmasinchiskunata yanaparan Alemania nacionpi, Corea del Sur nacionpipas?
¿Ima ruwaytan mana saqenanchischu?