¿Imaynatan yanapakusunman Jesuspa wañupusqanta yuyarinapaq juñunakuypaq?

Manaraq wañupushaspan Jesusqa apostolninkunawan Pascua fiestata ruwaran, chay juñunakuypin apostolninkunata kamachiran Señorpa cenanta ruwanankupaq. Chay juñunakuyta aparinankupaqmi Pedrota Juantawan kamachiran juj cuartota alistanankupaq (Luc. 22:7-13; tapanpi kaq fotota qhaway). Chaymi yuyarichiwanchis Jesuspa wañupusqanta yuyarinanchispaq preparakunanchista, chaytan yuyarisun 27 marzo killapi. Iñiq t’aqapi umalliqkunaqa qhawarirankuñachá pichus chay juñunakuypi rimamunanta jujkunatapas. Ichaqa, ¿imatan sapankanchispas ruwasunman chay juñunakuypi yanapakunanchispaq?

Jesuspa wañupusqanmantan agradecekunanchis. Chaypaqmi yanapawasunman Diospa Siminta sapa p’unchay t’aqwisun nisqa qelqa. Chaypin willashan Jesuspa wañupusqan p’unchaykunapi imakunachus pasasqanmanta. Traducción del Nuevo Mundo nisqa Bibliapipas kashanmi juj programa, apéndice B12 nisqapi. 2020 abril killamanta Diospaq kausasunchis nisqa qelqapipas kashanmi chay programa. ¿Imaraykun Jesús wañunanpuni karan? Chaymanta astawan yachanaykichispaq maskhawaqchis Índice de las publicaciones Watch Tower nisqa qelqapi, Jehová Diospa testigonkunaq t’aqwinankupaq qelqapipas.

Jujkunantan invitamunanchis. Tukuy atisqanchistan ruwananchis Jesuspa wañupusqanta yuyarinapaq juñunakuyman runakunata invitamunanchispaq. ¿Pikunatan invitamusunman? Ñaupaqpi visitasqanchis otaq Bibliamanta yachachisqanchista, familianchiskunata, juj reqsisqanchis runakunatapas. Umalliqkunaqa tukuy atisqankutan ruwananku iñiyninkupi chiriyapuq iñiqmasikunata invitamunankupaq. Sichus invitasqayki runa mana llaqtaykipichu tiyan chayqa, jw.org nisqaman jaykuspan willawaq llaqtanpi maypichus aparikunanta, ima horapi aparikunantapas, chaypaqqa jaykuy NOQAYKUMANTA nisqaman, jinaspa ñit’iykuy “Jesuspa wañupusqanta yuyarinapaq” nisqata.

¿Imatawanmi ruwawaq chay juñunakuypi yanapakunaykipaq?