¿Preparasqachu kashanchis ima sasachakuytapas aguantananchispaq?

Tukukuy p’unchay chayamunanpaqqa astawanmi sasachakuykuna yapakamunqa (2 Tim. 3:1; Mat. 24:8). Ima sasachakuyña kaqtinpas Diospa llaqtanpiqa usqhayllan willawanchis imachus ruwananchista. Chaymi ñaupaqmantapacha niwasqanchista alistananchis, chaymantapas kallpachakunanchismi iñiyninchispi allin kashananchispaq, chaykunata ruwasun chayqa sasachakuy chayamuqtinqa manan wañusunchu (Luc. 16:10).

• Kallpachakuy allin iñiyniyoq kanaykipaq. Sapa p’unchay Bibliata leey, tiempoykitataq t’aqay sapallaykipi Bibliata estudianaykipaq. Chaymantapas wasin-wasinta otaq juj jinamantapas Diosmanta willashallay. Manataqmi manchakunaykichu juj tiempo hermanokunawan mana juñu kaspaykiqa (Isa. 30:15). Yachasqanchis jina Jehová Diospas Jesuspas manan saqerparisunkichu (od-S págs. 175, 176 párrs. 15-17).

• Ñaupaqmantapacha alistakuy. Wasinchispiqa manan mochila de emergencia nisqallachu kanan, waqaychanallanchistaqmi askha mijuykunata, unuta, pastillaskunata, jujkunatapas, sasachakuypi tarikuspa juj tiempo chaykunawan kausananchispaq (Prov. 22:3; g17-S núm. 5 págs. 4, 6).

¿PREPARASQACHU KASHANCHIS TERREMOTO OTAQ LLOQLLA PASANANPAQ? NISQA VIDEOTA QHAWASPA, KAY TAPUYKUNATA KUTICHIY:

• 

  ¿Imaynatan preparakusunman sasachakuy tiempopi allin iñiyniyoq kananchispaq?

• 

  ¿Imaraykun umalliqkunaman telefononchispa numeronta qonanchis, maypi tiyasqanchistapas willananchis?

  • ¿Imaraykun mochilapi waqaychananchis mijuykunata imakunachus necesitasqanchistapas?

  • ¿Imaraykun familianchiswan rimananchis ima sasachakuypas pasananmanta, chaykuna pasaqtin imatachus ruwananchismantapas?

• 

  ¿Imakunata ruwaspan yanapasunman sasachakuypi tarikuq hermanokunata?

TAPUKUY: “¿Imallapipas coronavirus onqoy yanapawaranchu allin preparasqa kanaypaq?”, nispa.