¡Llapankuman willasun sumaq kausay kananmanta!

Noviembre killapin llapa runakunaman willamusunchis pisi tiempollamanta sumaq kausay kananmanta (Sal. 37:10, 11; Apo. 21:3-5). Chaypi yanapakunanchispaq tiemponchista orqoyqa allinpunin kanqa. Chay killapi pipas precursor auxiliar kayta munan chayqa atinmanmi 30 horasta otaq 50 horasta Diosmanta willayta.

Chay killapin tukuy atisqanchista runakunaman sumaq kausay kananmanta textokunata leenanchis kanqa. Bibliamanta ima textotapas leenaykipaqqa ñaupaqtan piensanayki mayqen textochus chay runaq sonqonman chayanman chayta. Sichus pipas astawan yachayta munan chayqa, 2021 watamanta Qhawaq revistatan qowaq iskay kaq numerota. Pisi tiempollamantataq jujmanta kutinayki, jinaspa Kusisqa kausay folletowan estudiayta qallariwaqchis. ¡Anchatachá kusikusun runakunaman allin willakuykunata apaspaqa! (Isa. 52:7.)

¡MOSOQ PACHAPIN KASUN! NISQA VIDEOTA QHAWASPA KAY TAPUYKUNATA KUTICHIY:

• ¿Imayna kausay kananpin chay sipascha piensashan?

• Jehová Diospa promesankunamanta, ¿mayqen kaqtan suyakushanki?

• ¿Imaraykun mosoq pachapi piensay yanapawasun chay killapi Diosmanta astawan willananchispaq? (Luc. 6:45.)