Campaña especial kanqa 16 octubremanta 12 noviembrekama
1 “¡Se acerca el fin de la religión falsa!” (pantasqa religionpa tukukunan p’unchay chayamushanña). Chhayna sutichasqan kanqa Noticias del Reino núm. 37, nisqa tratado, kay tratadoqa hamuq killamanta teqsimuyuntinpin rakikunqa. La Atalaya, ¡Despertad! revistakunata munachisun octubre killa qallariymanta 15 p’unchaykama. Lunes 16 octubremanta domingo 12 noviembrekamataq hinantinpi rakisun Noticias del Reino núm. 37 nisqata. Sapa semana tukuytataq tratadota revistakunatawan kuskata munachisun.
2 Pikunan rakinkuman: Lliw publicadorkunan rakinqaku; wakinqa allichakunkumanmi precursor auxiliar kanankupaq. Wawaykikuna Bibliata estudiachisqaykikunapas espiritualpi wiñashankuña chayqa, yanapay ancianokunawan rimanankupaq, publicador kananpaq ñachus hunt’ashanña chayta yachanankupaq. Chaymantapas ancianokuna manaña predicaq wayqe-pananchiskunata watukuspa kallpachananku kay campañapi tratadota rakinankupaq, yaqapaschá poqosqa wayqe-panakunawan kuska.
3 Llapa congregacionkuna chaskinqa askha Noticias del Reino núm. 37 nisqa tratadota, sapanka publicadorkuna 50 tratadollatapas chaskinankupaq. Precursor regularkunataq chaskinqaku 250 tratadokunata. Biblia estudiaqkunapas chaskinkumanmi 5 tratadota familiankunaman amigonkunamanpas qonankupaq. Publicadorkunaqa yupananku hayk’a tratadokuna runakunaman saqesqankuta, chhaynapi octubre noviembre killapi predicasqankumanta informe saqenanku hojachaq qhepanpi qelqanankupaq. Secretariotaq yupanan llapa publicadorkunaq rakisqan tratadokunata, hinaspa sapa killa tukuyta sucursalman willanan. Sichus campaña tukukuqtin tratadokuna puchunqa chayqa, rakillasunmanmi may predicasqanchispipas.
4 Imata nisunman: Tratadokunata saqenaykipaqqa pisillata rimay, ahinapin aswan askhata rakinki. Khaynata niwaq: “Teqsimuyuntinpi llapa runakunata yanapashayku kay tratadota saqespa. Kayta gratislla saqesayki leenaykipaq”. Allinmi kanman mana maletinnillayoq mana bolsallayoq tratadokunata rakiy. Makilla reparay astawan yachay munaq runakunata, hinaspa sutinta maypi tiyasqantapas qelqay.
5 ¿Imaynatan llaqtaykipi lliw runakunaman rakiwaq? Callekunapi tratadota rakinaykimantaqa, aswanmi wasin wasinta rispa, qhatunakunaman rispapas rakiwaq. Wasipi mana pipas kaqtinqa qelqay wasiq direccionninta, kallpachakuytaq huk p’unchay kutinaykipaq. Lunes 6 noviembre p’unchaymantaqa wasipi mana pitapas tarispaqa saqesunmanmi tratadokunata wasi punkuq k’aqlluchanpi. Congregacionpa predicanan llaqta sinchi hatun kaqtinqa, ancianokuna allichankumanmi campaña qallariymanta pacha wasipi mana pipas kaqtinqa tratadota saqenankupaq.
6 Hatun Babiloniaq thunichisqa kanan p’unchay sispaykamushanña, chaymi manaraq thunichisqa kashaqtin runakunaqa lloqsinanku (Apo. 18:8). Kunanmanta pacha allichakuy kay campañata yanapanaykipaq, teqsimuyuntinpin kay campañapi allinta willasun pantasqa religionpa tukukunan p’unchay sispaykamushasqanta.