DIOSPAQ JINA KAUSASUN
Wayna-sipaskuna, mana manchakuspa tayta-mamaykichiswan rimaychis
Tayta-mamaykimanqa mana manchakuspan willanayki imachus piensashasqaykita (Prov. 23:26). Jehová Diosmi paykunata kamachiran cuidanasuykipaq yanapanasuykipaqpas (Sal. 127:3, 4). Sichus mana llapantachu willakunki chayqa, manan allintachu yanapasunkiku. Paykunaqa experienciayoqñan kanku, chaymi paykunaq nisqanta uyariyqa allinta yanapasunkiman. Manaña llapantachu tayta-mamaykiman willawaq chaypas, manan paykunataqa engañanaykichu (Prov. 3:32).
Tayta-mamaykiwan sumaqllata rimanaykipaqqa reparanaykin imay ratochus paykuna allin kashanku chayta. Sichus mana atinkichu imachus piensasqaykita paykunaman willayta chayqa, juj papelpin qelqawaq jinaspa qowaq leenankupaq. Mayninpiqa qanñataqmi mana rimayta munawaqchu paykunaña munashaqtinkupas. Chhayna kaqtinqa yuyarinaykin tayta-mamaykiq munakusqasuykita, yanapayta munasqasuykitapas. Sichus tayta-mamaykiwan mana manchakuspa rimanki chayqa, paykunaq nisqasuykiqa wiñaypaqmi yanapasunkiman (Prov. 4:10-12).
WAYNA-SIPASKUNAPAQ: ¿IMAYNATAN TAYTA-MAMAYKIWAN RIMAWAQ? NISQA VIDEOTA QHAWASPA, KAY TAPUYKUNATA KUTICHIY:
¿Imaniqkun Estherpas Partikpas?
Wayna-sipaskuna, ¿imatan Jesusmanta yachawaqchis?
¿Imata ruwaspan tayta-mamayki rikuchiranku munakusqasuykikuta?
Tayta-mamaykiqa allinniykipaqmi imatapas nisunkiku
¿Ima yachachikuykunan yanapasunkiman tayta-mamaykiwan rimanaykipaq?