DIOSPAQ JINA KAUSASUN
¿Imatan Samuelmanta yachasunman?
Samuelqa wañupunankaman Jehová Diosta tukuy sonqowan serviran. Erqellaraq kashaspapas manan Elipa wawan Hofní, Finehás jinachu millaykunata ruwaran (1 Sam. 2:22-26). Jehová Diosqa Samuelwanmi kasharan (1 Sam. 3:19). Machuña kaspapas Samuelqa Jehová Diostan kasukushallaran, wawankuna manaña chayta ruwarankuchu chaypas (1 Sam. 8:1-5).
¿Imatan Samuelpa ruwasqanmanta yachasunman? Jehová Diosqa rikumushanmi wayna-sipaskunaq sasachakuyninkuta, chay jawa llakikusqankutapas. Jehová Diosqa yanapawasunmi mana manchakuq kananchispaq (Isa. 41:10, 13). Wakin hermanonchiskunaq wawankunaqa Samuelpa wawankuna jinan Diosta mana kasukunkuchu. Paykunapas manan wawankutaqa obligayta atinkuchu. Samuelqa Jehová Diospa makinpin saqeran, jinaspa kusisqa Jehová Diosta servishallaran. Tayta-mamankuq allinta kausasqankuta rikuspan wakinqa Diosman kutimpunkuman.
PAYKUNAMANTA YACHASUN: SAMUEL NISQA VIDEOTA QHAWASPA, KAY TAPUYKUNATA KUTICHIY:
¿Imata ruwaspan Samuel erqellaraq kashaspa mana manchakuq kasqanta rikuchiran?
¿Imaynatan Dani rikuchiran mana manchakuq kasqanta?
¿Imaynatan Samuel kuraq kaspapas Jehová Dios munakusqanta rikuchiran?
Jehová Diosqa yanapanmi allin kaqta ruwaqkunataqa
¿Imaynatan Daniq tayta-maman rikuchiranku Diosta munakusqankuta?