Precursor kay

Diosta astawan servinapaq kallpachakuspaqa allintan tiemponchistapas kallpanchistapas kay tukukuy p’unchaykunapi utilizashanchis (1 Cor. 9:26; Efes. 5:15, 16). Familiantin Diosta adorasqaykichis ratupin parlawaqchis kay watapi Diosta astawan servinaykichispaq imakunatachus ruwanaykichismanta. Kay qelqapin tarinkichis Diosta astawan servinapaq wakin yanapaykunata. Jehová Diosmanta mañakuspan qhawariwaqchis mayqenkunata ruwanaykichispaq (Sant. 1:5).

Yaqapaschá jujnillaykichispas precursor regular kawaqchis, wakinniykichistaq yanapawaqchis horanta junt’ananpaq. Sichus manchakushanki horaykita junt’anaykimanta chayqa, tapuwaqmi situacionniykipi jina tarikuq precursorkunata (Prov.15:22). Chaymantapas familiantin Diosta adorasqaykimanmi juj precursorta invitawaq, jinaspa tapuwaq ima horakunapi Diosmanta willasqanta, chayman jina ruwanaykipaq. Sichus ñaupaqpi precursor karqanki, reparankitaq jujmanta precursor kay atisqaykita chayqa, kallpachakuy precursor kanaykipaq.

¿Pillapas familiaykimanta atinmanchu juj killallapas otaq askha killakunapas precursor auxiliar kayta? Kallpan pisi kaqtinqa yaqapaschá juj ratulla sapa p’unchay Diosmanta willanman. Askha ruwanayoq kaqtinqa otaq escuelapi kashaqtinqa, yaqapaschá feriado p’unchaykuna otaq pisqa semanayoq killakunapi precursor auxiliar kanman. Ima killapichus precursor kawaq chayta ñaupaqmantaña almanaquepi marcay, qelqaytaq ima horapichus Diosmanta willanaykita (Prov. 21:5).

VALIENTE KAYCHIS, PRECURSORKUNA NISQA VIDEOTA QHAWASPA, KAY TAPUYKUNATA KUTICHIY:

• ¿Imaynatan hermananchis Emmata Jehová Dios cuidarqan? ¿Imatan paypa ejemplonmanta yachasunman?