Jehová Diospa musphana ruwasqankunata willasunchis
1. ¿Iman kallpachawanchis Jehová Diospa musphana ruwasqankunata willananchispaq?
1 “Qanqa, Señor Diosníy, hatunmi atiyniyoqmi kanki, qanqa manchanataq qhapaqtaq lliphlli-kayniyoqtaq kanki. Qanpan hanaq pachapi kay pachapi tukuy kaqkunapas.” (1 Cró. 29:11.) ¿Ima ruwaymanmi kallpachawanchis Jehová Dios munakusqanchis payta agradecekusqanchispas? ‘Paypa musphana ruwasqankunata willananchispaq’; paymi ‘laqhayaqmata sumaq k’anchayninman waqyaspa akllakuwaranchis’ (1 Ped. 2:9). Manapunin upallakusunmanchu hatun Diosninchismanta rimaytaqa. Marzo, abril, mayo killakunan allinpuni kanqa Jehová Diospa musphana ruwasqankunata willanapaq.
2. ¿Ima llank’aymi kanqa Jesuspa wañusqan yuyarina p’unchaypaq, pikunan chaypi llank’ankuman?
2 Jesuspa wañusqan yuyarina huñunakuyman mink’amusunchis: Lunes 2 abriltan Señorpa Cenanta yuyarispa Jehová Diospa musphana ruwasqankunata yuyarisun. 17 marzomanta 2 abrilkaman teqsimuyuntinpi runakunaman invitacionkunata saqemusun Jesuspa wañusqanta yuyarinapaq huñunakuyman hamunankupaq. Lliwmi yanapakusunman kay llank’aypiqa. Kay llank’aypiqa mosoq publicador kanankupaq hunt’aqkunapas yanapakunkumanmi. Sichus Bibliamanta estudiachisqayki otaq wawaykikunapas publicador kanankupaq hunt’ashankuña chayqa, ancianokunawanmi rimawaq.
3. ¿Ima nispan runakunata mink’asunman Jesuspa wañusqanta yuyarina huñunakuyman hamunankupaq?
3 Imaynan “Kacharichiyninchis tiempon chayamushanña” nisqa distrito asambleapaq llank’aranchis invitacionkunata rakispa chay hinatan llank’asun. Llapa congregacionkunan askha invitacionkunata chaskinqaku; sapanka publicadormi pisqa chunkata chaskinqa, precursor regularkunataq 150. Pisillata rimaspan invitacionta saqewaq, yaqapaschá khaynata niwaq: “Kay invitacionta saqesayki hatun huñunakuyman hamunaykipaq, watapi huk kutillata chayta ruwakun. Kay invitacionpi astawan chaymanta rimashan”, nispa. Sichus uyariqniyki imatapas tapukuqtinqa kutichiwaqmi. Yanapachikuwaqmi Enseña nisqa libropi La Cena del Señor nisqa temawan, chaymi kashan 206 paginapi. Sabadokunapi domingokunapitaq chayllaraq chayamuq revistakunata munachisun invitacionkunawan kuskata. Allinta uyariq runakunaq sutinta anotay, allichakuytaq paykunaman kutinaykipaq.
4. Jesuspa wañusqanta yuyarinapaq invitacionkunata, ¿imaynatan rakisun?
4 Atikuqtinqa wasiyoqpa makinmanpuni saqesun invitacionta. Wasipi mana pitapas tarispaqa anotananchismi hukpi kutinapaq. Congregacionpi askha invitacionkuna puchuqtinqa, saqewaqchismi mana pitapas tarisqaykichis wasikunapi, ichaqa Jesuspa wañusqan yuyarina p’unchaypa ñawpaqnin semanallapi, ama ñawpaqtaqa. Chaymantapas saqenanchismi llapa kutisqanchis runakunaman, yachachisqanchiskunaman, familianchiskunaman, llank’aqmasinchiskunaman, wasimasinchiskunaman, reqsisqanchis runakunamanpas.
5. ¿Ima rayku kunanmanta pacha tiemponchista allichananchis precursor auxiliar kananchispaq?
5 Precursor auxiliar kaymanta: ¿Kallpachakuwaqchu marzo, abril, mayo killakunapi precursor auxiliar kaspa Jehová Diospa musphana ruwayninkunata willanaykipaq? Yaqapaschá tiempoykita allichanayki kanqa precursor auxiliar kanaykipaq (Efe. 5:15-17). Predicanaykipaq astawan kallpachakunki chayqa, aswan kusikuyta tarinki, Jehová Diospas saminchasunkin (Pro. 10:22). Jesuspa wañusqan yuyarina p’unchay qayllaykamushanñataq chayqa, kunanmanta pachan tiemponchista allichananchis (Pro. 21:5).
6. Qayna wata 90 watayoq pananchis precursor auxiliarta ruwaran, ¿imatan paymanta yachanchis?
6 90 watayoq pananchismi qayna wata precursor auxiliar kasqa. Paymi nin: “Huertapi llank’aymi gustawan, chaymi tarpuyta munasharani, ichaqa repararani aswan allin kaqta ñawpaqman churanayta. Chaymi Diospa Reinonta ñawpaqman churanaypaq precursor auxiliar llank’ayta ruwarani marzo killapi”, nispa. ¿Kallpachakusqanmanta saminchaykunata chaskiranchu? Paymi nin: “Diospa llaqtanwan aswan hukllachasqa kashani, Jehová Diosmanpas astawanmi asuykuni”, nispa. ¿Pananchis hina reparasunmanchu aswan allin kaqkunata chayman hina allichakunanchispaq?
7. ¿Sasachu precursor auxiliar kay?
7 Precursor auxiliarkunaqa pisqa chunka horata llank’anku; chayman aypayqa manan sinchi sasachu. Diosmanta mañakuspa allinta qhawaykuy sapa p’unchay ruwanaykikunata, chayman hinataq predicanaykipaq horarioykita ruway. Sapankanchismi yachanchis imaynapi tarikusqanchista, maykama atisqanchistapas. Sichus onqoshanki otaq kallpaykipas pisiyapunña chayqa, yaqapaschá sapa p’unchay iskay horallata predicawaq. Ch’isiyaqchus llank’anki otaq colegioman rishankiraq chayqa, yaqapaschá ch’isinkunata predicawaq otaq sábado, domingo p’unchaykunata.
8. ¿Iman yanaparan casarasqa warmi-qharita precursor auxiliar kanankupaq?
8 Askha iñiqmasinchiskunan familiantin precursor auxiliarta ruwanku. Qayna watakunallapi iskay iñiqmasinchis warmi-qhari iskayasharanku precursor auxiliar kanankupaq, manachus hina atisunmanchu precursor auxiliar kayta nispanku. ¿Imatan ruwaranku? Paykuna ninku: “Unayñan precursor auxiliar kayta munarayku, chaymi Jehová Diospa yanapayninta mañakurayku”, nispa. Allinta allichakuspataq ayparanku yuyaykusqankuman. Chaymanta nillarankutaq: “Ancha sumaqmi karan. Askha saminchaykunatan chaskirayku. Noqaykupas atiraykutaq chayqa qankunapas atiwaqchismi, chay rayku ruwallay chay llank’ayta”, nispa.
9. ¿Hawa semanapi familiaykiwan estudiaspa imamanta rimawaqchis hamuq killakunapi predicayniykichista yapanaykichispaq?
9 Hawa semanapi familiaykiwan Bibliata estudiashaspaqa rimanakuwaqchismi imaynatan hamuq killakunapi predicayniykichista yapanaykichispaq. Manaña familiantin precursor auxiliar kayta atiwaqchischu chaypas, hukniykichistan yanapawaqchis precursor auxiliar kananpaq. Chaytapas mana ruwayta atispaqa allichakuwaqchismi familiantin chay killakunapi predicayniykichista yapanaykichispaq.
10. Jesuspa wañusqanta yuyarina p’unchay qayllaykamushanñataq chayqa, ¿ima raykun hukkunaman willanayki precursor auxiliar kay munasqaykimanta?
10 Hukkuna hukkunawan yanapanakusun: Kusikuqta rikuspaqa noqanchispas kusikullanchistaqmi. Precursor auxiliar kayta munasqaykimanta hukkunawan rimanki chayqa, hukkunapas kallpachakunkumanmi precursor auxiliar kanankupaq. Ñawpaqpi precursor kaqkunapas yanapasunkimanmi allin horariota ruwakuspa precursor auxiliar kanaykipaq (Pro. 15:22). Precursor auxiliar kayta atiwaq chayqa mink’awaqmi huk iñiqmasiykita, yaqapas qan hina llank’anayoqta, qanwan kuska precursor kananpaq.
11. ¿Imaynatan ancianokuna iñiqmasikunata kallpachankuman precursor auxiliar kanankupaq?
11 Askha ancianokunan allichakunku precursor auxiliar kanankupaq (Heb. 13:7). Chay ruwasqankuqa kallpachanmi congregacionta. Chaymantapas ancianokunaqa hukkunatan kallpachallankutaq rimayninkuwan. Sichus rimayniykiwan hukkunata kallpachanki, otaq allinta yuyaychanki chayqa, munankumanmi precursor auxiliar kayta. Serviciopaq superintendenten allichanqa askha horariokunata congregacionpa predicananpaq, kanmanmi horariokuna llank’anankumanta lloqsiqkunapaq colegiomanta lloqsiqkunapaqpas, makilla kashanan predicanapaq territoriopas qelqakunapas mana pisiyananpaq. Chay horariokunataqa willakushanallanmi sapa semana.
12. Precursor auxiliar kayta mana atispaqa, ¿imatan ruwawaq?
12 Manaña precursor auxiliar kayta atinkichu chaypas, kallpachawaqmi hukkunata, paykunapaqtaq Diosmanta mañapuwaq (Pro. 25:11; Col. 4:12). Kallpachakuwaqmi semanapi huk p’unchaytawan paykunawan predicanaykipaq, otaq predicasqaykipi huk chhikantawan qhepakunaykipaq.
13. Kay Perú llaqtanchispi, ¿hayk’a precursor auxiliarman aypayta munashanchis? ¿Imatan congregacionpi ruwananchis chayman aypanapaq?
13 Abril killapi hayk’a precursor auxiliar kasunman: Perú llaqtapi 2006 watapi enero killapi ayparanchis 13.733 precursor auxiliarkunaman, chay raykun kay abril killapaq aypasunmanmi 10.000 precursorkunaman, chaypaqqa qanchis publicadormanta huk precursor auxiliar kanan. Wakin congregacionpiqa wasapankumanraqmi kay nisqanchistaqa. Yaqa llapa congregacionkunan atinkuman chay nisqanchisman aypayta. Congregacionpi ancha kusikuy kanqa huk nisqalla allin willakuykunata willasqanchismanta.
14. ¿Ima rayku abril killa allinpuni precursor auxiliar kanapaq?
14 ¿Ima rayku abril killa allinpuni precursor auxiliar kanapaq? Jesuspa wañusqan yuyarina p’unchay abril killa qallariyllapitaq kanqa chayqa, allinpuni kanqa yuyarina huñunakuyman hamuqkunaman wakmanta kutiy. Paykunaman kutispaqa apasunmanmi revistakunata, chaymantapas munachisunmanmi ¿Imatan Dios munan ñoqanchismanta? nisqa folletota estudiota qallarinapaq. Chay hinaqa, abril killapi precursor auxiliar kayqa allin kanqa estudiokuna qallarinapaq. Chaymantapas abril killapi kanqa pisqa domingo iskay feriado p’unchaypiwan, chaymi allin kanqa llank’aqkunapaq escuelapi kaqkunapaqpas precursor auxiliar kanankupaq.
15. ¿Ima rayku makilla kashananchis Jesuspa wañusqan yuyarina p’unchay qayllaykamushaqtin?
15 Jesuspa wañusqanta yuyarina p’unchay sapa wata pasasqanman hina kay millay pachaq p’uchukayninpas astawan asuykamushan. Pisi tiempollañan kashan tukuy atiyniyoq Diosninchismanta willamunapaq (1 Cor. 7:29). Kay killakunapi Jehová Diosta hatunchanapaq tiempoq pasasqanqa manañan kutimunqañachu. Chhaynaqa, kunanmanta pacha allichakusun Jehová Diospa musphana ruwasqankunata marzo, abril, mayo killakunapi willanapaq.
[4 paginapi recuadro]
¿Abril killapi aypasunmanchu 10.000 precursor auxiliarman?
◼ Allinta reparay imakunata ñawpaqman churanaykita
◼ Familiaykiwan rimay predicayniykita imayna yapanaykipaq
◼ Hukkunawan rimay precursor kay munasqaykimanta