DIOSPAQ JINA KAUSASUN
¿Imaynatan allinta yanapachikusunman Kusisqa kausay librowan?
Kusisqa kausay libropi videokunapas piensachinapaq tapuykunapas allinpunin. Chaymantapas “Wakin runakunan ninku”, “Kayta ruway”, “Astawan yachanaykipaq” nisqa recuadrokunapas allintan yanapawanchis. Ichaqa, ¿iman yanapallasunkimantaq chay librowan allinta yachachinaykipaq? (Mateo 28:19, 20).
Multimedia. Sichus papelpi chay librota jap’ishanki chayqa, chay libropi videokunatapas referenciakunatapas qhawachinaykipaqqa celularniykipin chay libromanta sapanka t’aqaq tukuyninpi “Multimedia” nisqapi tarinki. Chaypin kashan sapanka yachachikuymanta videokunapas referenciakunapas (ñaupaq kaq foto).
“Edición impresa” nisqa. Sichus celularniykipi kaq libromanta yachachishaspa, yachayta munanki imaynachus papelpi rikukusqanta chayqa, “Edición impresa” nisqapin churawaq. Chaypaqqa juj yachachikuypi kashaspan kinsa puntochakunapi ñit’ispa ajllawaq “Edición impresa” nisqata. Chhaynapin reparawaq chay yachachikuypi mayqenkunachus importante yachachikuykuna kasqanta. Ñaupaqpi kasqanman kutinaykipaqqa, kinsa puntochakunapin “Edición digital” nisqata ñit’iwaq.
“¿Listochu kashani?”. Chay yachachikuyqa 4 t’aqaq tukuyninpin kashan, chaypin sut’ita willashan Diosmanta willaq lloqsinanpaq, bautizakunapaqpas imakunatachus junt’anata (iskay kaq foto).
Willakuykuna. Willakuykunapas 4 t’aqaq tukuyninpin kashan, chaypin astawan willashan importante yachachikuykunamanta. Celularniykipi chay librota estudiashanki chayqa, sapanka willakuypa tukuyninpin willashan jujmanta kaq yachachikuyman kutinaykipaq, chayta ñit’ispan maypichus chay yachachikuypi kasharqanki chayman kutinki (iskay kaq foto).
Iñiyninpi ñauparishaq runawanqa tukunaykin Kusisqa kausay librota estudiachiyta, manaraq chay librota estudiayta tukushaspa bautizakunmanña karqan chaypas. Yupashallawaqmi jayk’a horachus yachachisqaykita, jujmanta visitasqaykita, estudio qosqaykitapas. Sichus juj iñiqmasinchis acompañasunki chayqa paypas yupanmanmi horanta.