DIOSPAQ JINA KAUSASUN
Umalliqkunaqa Diospa llaqtan allin kananpaqmi llank’anku
Askha runakunan autoridadniyoq runakunata mana allinpaqchu qhawarinku. ¿Imarayku? Wakin autoridadniyoq runakuna paykunaq allinnillankupaq imatapas ruwasqankurayku. Chaykunaqa manan kay tiempollapichu pasashan, ñaupa tiempokunapipas pasarqanñan (Miq. 7:3). ¡Diospa llaqtanpin ichaqa mana chhaynachu! Jehová Diosmi umalliqkunata yachachin jujkunarayku llank’anankupaq (Est. 10:3; Mat. 20:25, 26).
Umalliqkunaqa manan kay pacha autoridadniyoq runakuna jinachu kanku. Aswanpas Jehová Diosta hermanokunata iman munakunku, chay munakuywanmi iñiq t’aqapi hermanokunatapas yanapanku (Juan 21:16; 1 Ped. 5:1-3). Jesusmi Diospa llaqtantaqa umallishan, chaymi umalliqkunaqa payta kasukuspa iñiq t’aqapi hermanokunata yanapanku Diospa llaqtanpi kusisqa kanankupaq, Diosmanta ama karunchakunankupaq ima. Chaymantapas makillan kashanku jujkunata kallpachanankupaq. Qonqaylla ima sasachakuy kaqtinpas liston kashanku hermanokunata yanapanankupaq. Chhaynaqa, imaña kaqtinpas ama iskayaspa umalliqkunaq yanapayninta mañakuy (Sant. 5:14).
UMALLIQKUNAQA JEHOVÁ DIOSPA OVEJANKUNATAN CUIDASHANKU NISQA VIDEOTA QHAWASPA, KAY TAPUYKUNATA KUTICHIY:
¿Imaynapin umalliqkunaq yanapasqan Mariana hermananchispa allinninpaq karqan?
¿Imaynapin umalliqkunaq yanapasqan Elías hermanonchispa allinninpaq karqan?
Kay videota qhawaspa, ¿imaninkin umalliqkunaq llank’asqankumanta?