Estudianapaq yanapaykuna
¿Ima ruwaymanmi yuyayta churananchis?
Llapanchispas imaymana ruwanayoqmi kanchis ¿riki? Chaykunan jark’awasunman sapallanchispi Bibliata astawan estudiananchispaq. Chhaynaqa, ¿imatan ruwasunman Bibliata estudiananchispaq tiempota t’aqananchispaq? Sichus Bibliata estudiananchispaq juj horata t’aqarqanchis chayqa, chay hora t’aqasqanchistan respetananchis. Jinaspapas chay ratupiqa yaqapaschá pisillata leesunman, chhaynapi leesqanchista allinta entiendenanchispaq.
Chaymantapas aswan allin kaq ruwaykunatan ñaupaqta ruwananchis (Efes. 5:15, 16). Kaypin wakin ruwaykuna kashan:
Sapa p’unchaymi Bibliata leenanchis (Sal. 1:2). Chay ruwayman yachakunanchispaqqa chaupi semana juñunakuypi leenapaq capitulokunatan leeyta qallarisunman.
Ñaupaqmantapachan leenanchis chaupi semanapi estudianapaq qelqanchista, Qhawaq qelqanchistapas; chhaynapin yachasun imamantas rimashan chayta. Chaymantataq allinta preparakunanchis comentananchispaq (Sal. 22:22).
Sichus sapallaykipi Bibliata estudianaykipaq tiempota t’aqarqanki, ichaqa astawanraq estudiayta munashanki chayqa, allinmi. Ichaqa manan qonqanaykichu juj qelqanchiskunata leeytapas, chaykunamanta wakinmi kashan llapa runakunapaq lloqsimuq qelqanchiskuna, videokuna, jw.org nisqapi lloqsimuq qelqanchiskuna, willakuykuna ima.
Imakunamantachus yachayta munashanki chaymanta estudiayta qallariy. Sichus ima sasachakuypipas tarikushanki otaq ima yachachikuytapas mana allintachu entiendeshanki chayqa, chaykunamantan qelqanchiskunapi estudiawaq. Chaymantapas jaykuwaqmi jw.org nisqapi “Actividades para estudiar la Biblia” nisqaman.