Estudianapaq yanapaykuna

Wawakunata imayna yachachinapaq

Tayta-mamakunan wawankutaqa Jehová Diosmanta yachachinanku, manan jujchu (Efes. 6:4). Chay llank’ayninkuta allinta junt’anankupaqmi Diospa llaqtanqa imaymana qelqakunata videokunata ima orqomurqan. Chhaynaqa tayta-mamakuna, ¿imaynatan chaykunawan wawaykichista yanapawaqchis Jehová Diosta munakunankupaq?

• Wawaykipaq jina juj qelqata maskhay. Chaypaq jw.org nisqapi jaykuy “Bibliamanta yachachikuykuna” nisqaman, jinaspa ñit’iykuy “Wayna-sipaskuna” otaq “Wawakuna” nisqakunapi. Chaypin tarinki wawakunapaq wayna-sipaskunapaq imaymana videokunata waqaychanapaq tareakunata ima.a

• Iñiyninpi yanapananpaq jina juj qelqata ajllay. Chaymantapas “Niños” nisqapin wawaykipaq jina juj qelqata tarinki. Chaypaq jaykuy “Ideas para la adoración en familia” nisqaman.

• Chay qelqapi otaq videopi imachus yachasqaykichismanta rimaychis. Chay qelqakunatapas videokunatapas manan tiempota pasanallanpaqchu wawaykimanqa qhawachinayki. Aswanpas kuskan chaytaqa qhawanaykichis, jinaspapas chaypi yachasqaykichismantan rimanaykichis, chayta ruwaspan wawaykita yanapanki Jehová Dioswan amigontin kananpaq.