Espejopi qhawakuspaqa allin yuyaywan qhawakusun

Santiagoq nisqanman jinaqa Bibliaqa espejo jinas, chay espejos yanapawanchis imayna runas kanchis chayta reparakunanchispaq (Sant. 1:​22-25). Chhaynataq chayqa, ¿imaynatan chay espejowan yanapachikusunman?

Bibliata leespaqa tukuy yuyaymi leenanchis. Espejopichus apuraylla qhawarukusunman chayqa, manapaschá allintachu reparakusunman imaynas kashanchis chayta. Chhaynata Bibliatapas apurasqa leesunchis chayqa, manapaschá allintachu reparakusun imakunapis allinyananchis kashan chayta. Chhaynaqa Biblia yanapawananchispaqqa tukuy yuyaymi chayta leenanchis.

Bibliata leespaqa noqanchispin piensananchis. Espejopi qhawakushaspa pitapas chaypi rikurusun chayqa yaqapaschá payllapi yuyayninchis kanqa. Bibliata leeshaspapas yaqapaschá noqanchis imapichus allinyananchis kashan chaypi piensanamantaqa jujkunapi piensayta qallarisunman. Chaytachus ruwasunman chayqa manan faciltachu imapipas allinyasunman.

Allin yuyaywanmi qhawarikunanchis. Espejopi qhawakuspaqa yaqapaschá imapas mana gustawasunchu, sichus chayllapi yuyayninchista churasun chayqa yaqapaschá pisipaq qhawarikusunman. Bibliata leeqtinchispas chayqa pasallanmantaqmi, chaymi imaynatachus Jehová Dios qhawariwanchis chhaynata noqanchispas qhawarikunanchis (Sant. 3:17).