Fotokunata dibujokunata qhaway

Revistanchiskunapiqa askhan dibujokunapas fotokunapas lloqsimun, chaykunata qhawaymi yanapasunkiman imachus yachasqaykita allinta yuyarinaykipaq. Chhaynaqa, ¿imatan ruwananchis qelqanchiskunapi lloqsimuq fotokunawan dibujokunawan?

• Revistanchispi manaraq juj yachachikuyta leeshaspa chaypi kaq fotokunata dibujokunata qhaway. Chayta qhawaspaqa yaqapaschá chay yachachikuyta leeyta munankipacha. Imaynan platopi mijunata rikuspaqa mijuyta munanchispacha, chhayna ganasmi qosunki fotokunata dibujokunata ñaupaqta qhawanki chayqa (Amós 7:​7, 8).

• Chaymantataq chay qelqata leeshaspa piensay imaraykus chay fotota dibujota churakamurqan chaypi, chay fotoq dibujoq uranpi willakuy kashan chayqa chaytapas leey. Chaymantataq imaynatas chay foto chay qelqapi yachachikuywan tupashan, imaynatas chayman jina ruwawaq chaypi piensariy.

• Leesqayki qhepamantaq fotokunata qhawaspalla yuyariy imamantas chay revistapi yacharqanki chayta. Chaymantataq juj ratu ñawiykita wisq’ay, jinaspa qhawasqayki fotokunapi piensariy, yuyariy imatas yachamurqanki chaypi.

• Kay revistapi fotokunata dibujokunata qhaway, chaytataq umaykipi jap’iy.