Imachus yachasqaykita jujkunaman willariy

Biblia estudiayqa allintan kallpachawanchis. Ichaqa aswan kallpachasqa kanapaqqa chaykuna yachasqanchistan jujkunaman willarinanchis. Chayta ruwananchispaqmi Proverbios 11:25 textopas kallpachawanchis. Chaypin nin: “Jujkunaman unuta ujachiqpas ujachisqallataqmi kanqa”, nispa.

Chaymantapas Bibliapi imachus yachasqanchista jujkunaman willasun chayqa, aswan allintan estudiasqanchista entiendesun, manataqmi ratullachu qonqarusunpas. Chaymantapas chay willasqanchis jujkunata yanapasqanta rikuspan kusisqa kasunchis (Hech. 20:35).

Kayta ruway: Kallpachakuy kay semanapi Bibliapi imachus yachasqaykita pillamanpas willanaykipaq. Willariwaqmi mayqen familiaykimanpas, mayqen hermanomanpas, llank’anapi escuelapi compañeroykimanpas, vecinoykimanpas o pillamanpas. Ichaqa chaytaqa facilta entiendenanpaq jinallan willanayki.

Kayta yuyariy: Bibliapi yachasqanchistaqa manan allinta qhawarichikuyta munaspachu willananchis, aswanpas jujkunata kallpachanapaqmi willana (1 Cor. 8:1).