¿Imaynatan maskhasunman qori jina yachachikuykunata?

Bibliata leeshaspa qori jina yachachikuykunata tarinanchispaqqa allintan t’aqwirinanchis. Ichaqa, ¿imatan ruwananchis tarisqanchis yachachikuykuna yanapawananchispaq?

Astawan t’aqwirisun leesqanchista. Ejemplopaq, ¿pin chay textota qelqarqan, jayk’aqmi qelqarqan, pikunapaqmi qelqarqan? ¿Imayna tiempopin chayta qelqarqan? ¿Iman pasarqan chay leeshasqaykiq willakuypa ñaupaqninta qhepantapas?

Tarisqanchis yachachikuykunapi piensasun. “¿Kusisqachu, llakisqachu icha phiñasqachu tarikurqanku leesqay textopi runakuna? ¿Munakuqchu, pacienciakuqchu, khuyapayakuqchu imaynan karqanku? ¿Imaraykun paykuna jina kanay?”, nisqa tapuykunapi piensay. Pantaqkunamanta leespataq piensay: ¿Imapin pantarqanku, imaraykun mana paykuna jinachu kanay?”, nisqa tapuypi.

Yachasqanchisman jina ruwasun. Chaytaqa ruwasunman Diosmanta willaq rispa, pi runawanpas Diosmanta rimaspa iman. Chhaynapin kasukushasun Salmos 107:43 textoq nisqanta, chaypin nin: “Yachayniyoq runaqa allintan chaykunapi yuyaykunqa”, nispa.

• Kayta ruway: Qhaway chaupi semana juñunakuyninchispi “Bibliapi qori jina yachachikuykuna” nisqata, chaypin yachachiwanchis allin yachachikuykunata maskhananchispaq. Sapa semananmi tapuykuna, piensanapaq yachachikuykuna jinallataq dibujokuna fotokuna ima lloqsimun. Bibliata estudiaspaqa chayman jina estudiay.