Bibliata sapa p’unchay leenapaq yanapaykuna

Imaymanataq ruwana kan chayqa, manapaschá facilchu kashan Bibliata sapa p’unchay leeyqa (Jos. 1:8). Chhaynapi tarikushanki chayqa kay qatiqpi yuyaychaykunaman jina ruwawaq ¿chayri?

• Alarmata churakuy. Celularniyki kan chayqa alarmata churakuy ima horatachus Bibliata leenayki chayta yuyarichinasuykipaq.

• Bibliaykita churay rikunallapi. Papelpi imprimisqa Bibliata leenki chayqa rikuna partellapi churay, chhaynapin fácil kanqa oqarispa leenaykipaq (Deut. 11:18).

• Grabasqata uyariy. Imatapas ruwashanaykikama grabasqata uyariy. Tara sutiyoq hermanamanta yachasun. Payqa wawayoqmi chaymantapas precursoran, tutapitaqmi llank’an, paymi nin: “Noqaqa wasipi imatapas ruwashanaykaman Bibliata grabasqata uyarini, chhaynapin sapa p’unchaypas chaskikunipuni Bibliapi willakuykunataqa”, nispa.

• Allinta piensaykuy ama juj p’unchaypas saqenaykipaq. Imapas pasanqa, manapas tiempo ayparusunkichu Bibliata leenaykipaq chayqa, manaraq puñushaspa leeypuni iskay kinsa versiculollatapas. Aswan allinqa pisillatapas leeymi mana imatapas leeymantaqa; chayta ruwanki chayqa maytan sonqoyki kusikunqa (1 Ped. 2:2).