¿Jesusta qatikuqkuna apoyanankuchu guerrakunata? | ¿Imanishanmi Biblia chaymanta?

Religionpi askha umallikunan guerrakunata apoyashanku, chaytan sut’ita reparakun Ucrania nacionpi guerra kasqanwan. Chay umallikunaqa sapankankun nacionninkuta apoyashanku.

• The Jerusalem Post nisqa qelqapin 2022 wata 16 marzo killapi khaynata willakamurqan: “Metropolitano Epifanio I nisqa umalliqmi nin: Ucraniarayku guerrapi maqanakuqkunaqa ancha allin qhawarisqa kachunku, paykunatan gracias niyku […]. Qankunapaqmi mañakushayku, sonqoykupas qankunawanmi kashan”, nispa.

• Reuters nisqapin 2022 wata 3 abril killapi nirqan: “Rusia nacionpi ortodoxa Iglesiapi umalliqmi, juj misata ruwarqan Rusia nacionrayku maqanakuq soldadokunapaq. Chaypin paykunata nirqan: Imaynan Rusia runakuna maqanakunku chhaynata maqanakuychis, nispa. Rusia soldadokunaqa kaqllan Ucrania nacionpi guerrata ruwashanku”, nispa.

¿Allintachu Jesusta qatikuq runa ruwashanman guerrata apoyaspa? ¿Imaninmi Biblia chaymanta?

Bibliaq willasqanta yachasun

Bibliaq nisqanman jinaqa Jesuspa qatikuqninkunaqa manan guerrakunapiqa chaqrukunankuchu.

• Mateo 26:52 nin: “Espadaykita waqaychay churananman, pipas espadata jujpa contranpi oqariqqa espadallawantaqmi wañuchisqa kanqa”, nispa.

  Pipas guerraman rispa chayta apoyaspapas, ¿kasukushanmanchu Jesuspa kamachisqanta?

• Juan 13:34, 35 nin: “Juj mosoq kamachikuytan qoykichis: Jujkuna-jujkunawanmi munanakunkichis. Imaynan noqapas munakuykichis, chhaynallatataqmi qankunapas jujkuna-jujkunawan munanakunkichis. Qankunapura munanakusqaykichispin lliupas yachanqaku discipuloykuna kasqaykichista”, nispa.

  Pipas guerraman rispa chayta apoyaspapas, ¿munakuymanta Jesuspa rimasqanman jinachu ruwashanman? ¿Jesusta qatikuqchu chay runa kashanman?

Astawan yachanaykipaq qhaway “El cristianismo y la guerra: ¿son compatibles?” nisqa yachachikuyta.

¿Imaynatan Jesuspa qatikuqninkuna guerrata qhawarinanku?

Bibliaq nisqanman jinaqa Jesuspa qatikuqninkunaqa manan apoyanankuchu guerrataqa. Chaytaqa manan mana atikuqta jinachu qhawarina, ¿imarayku? Ñaupa tiempomantapachan Bibliapiqa willarqanña imaynas kay “tukukuy p’unchaykunapi” llapa nacionmanta wakin runakunaqa mana yachanankuchu karqan guerrapi maqanakuyta ni cheqninakuytapas chayta (Isaías 2:2, 4). Jesuspa nisqanman jinan paykunaqa kausananku karqan.

•  Astawan yachanaykipaq La Atalaya qelqapi qhaway “¿Que piensa Dios de las guerras?” nisqa yachachikuyta.

Pisi tiempollamanta “thaj kayta qoq Diosqa”, Jehováa Diosqa llapa runakunata libranqa “pisichasqa kasqankumanta sarunchasqa kasqankumantawan”, gobiernon chayamuqtinmi chayta ruwanqa (Filipenses 4:9; Salmos 72:14).

•  Astawan yachanaykipaq qhaway ¿Iman Diospa gobiernon? nisqa videota.