Jesusmi guerrakunata tukuchinqa

Jesusqa anchatan munakuwanchis, chaymi noqanchisrayku vidanta qorqan (Mateo 20:28; Juan 15:13). Payqa Diospa gobiernonpin reyña kashan, chaymi pisi tiempollamanta kay pachamanta llapa guerrakunata tukuchinqa (Salmos 46:9).

Bibliapin willashan Jesús kaykuna ruwananta:

• “Paymi yanapay mañakuq wajchakunata libranqa, paymi mana piniyoqtapas, pisichasqatapas libranqa. Wajchakunatan, mana piniyoqkunatan khuyapayanqa, mana imayoq runakunatan libranqa. Pisichasqa kasqankumantan, sarunchasqa kasqankumantan orqonqa” (Salmos 72:12-14).

Munakuwasqanchisraykun Jesusqa imaymanakunata noqanchisrayku ruwarqan, jamuq tiempopipas imaymanakunatan ruwanqa. ¿Imatan ruwasunman chaykunamanta agradecido kasqanchista rikuchinanchispaq? Chaypaqqa tukuy atisqanchistan ruwananchis “Diospa gobiernonmanta allin willakuykunata” astawan yachananchispaq. Chay gobiernomantan Jesuspas runakunaman willarqan (Lucas 4:43). Chay gobiernomanta astawan yachanaykipaq leey “¿Iman Diospa gobiernon?“ nisqa yachachikuyta.