Jesusqa wajcha kaytan tukuchipunqa

Jesusqa anchatan runakunata munakun, chaymi khuyapayarqan wajcha runakunata, sinchi llakipi tarikuqkunatapas (Mateo 9:36). Noqanchisraykun vidantapas qorqan (Mateo 20:28; Juan 15:13). Pisi tiempollamantan rikuchillanqataq runakunata anchata munakuwasqanchista. Payqa Diospa gobiernonpin reyña kashan, chaymi kay pachantinmanta chinkachipunqa wajcha kayta.

Chay tiempopin Bibliapi kay nisqan junt’akunqa:

• “Payqa, humilde sonqo runakunaman sayapakuchun, wajchakunaq wawankunata librachun” (Salmos 72:4).

Munakuwasqanchisraykun Jesusqa imaymanakunata noqanchisrayku ruwarqan, jamuq tiempopipas imaymanakunatan ruwanqa. ¿Imatan ruwasunman chaykunamanta agradecido kasqanchista rikuchinanchispaq? Chaypaqqa tukuy atisqanchistan ruwananchis “Diospa gobiernonmanta allin willakuykunata” astawan yachananchispaq. Chay gobiernomantan Jesuspas runakunaman willarqan (Lucas 4:43). Chay gobiernomanta astawan yachanaykipaq leey “¿Iman Diospa gobiernon?“ nisqa yachachikuyta.