¿Jesús tukuy atiyniyoq Dioschu?

¿Ima ninmi Biblia?

Enemigonkunan Jesusta tumparanku ‘Diosmanmi igualakushan’ nispa (Juan 5:18; 10:30-33). Ichaqa, manan jayk’aqpas Jesusqa niranchu ‘tukuy atiyniyoq Diosmi kani’ nispaqa. Aswanmi niran: ‘Yayan noqamantaqa aswan atiyniyoq’, nispa (Juan 14:28).

Apostolkunaq tiemponpi cristianokunapas manan nirankuchu ‘Jesusqa tukuy atiyniyoq Diosmi’ nispaqa. Apóstol Pablon Jesuspa kausarichisqa kasqanmanta niran: ‘Diosmi Jesusmanqa aswan allin puestota qoran’, nispa. Chhaynaqa Jesusqa manan tukuy atiyniyoq Dioschu karan. Tukuy atiyniyoq kanman karan chayqa, ¿imapaqtaq munanman karan “aswan allin puestota”? (Filipenses 2:9.)