¿Dioschu juchayoq ñak’arinanchispaq?

¿Ima ninmi Biblia?

Manan Dioschu juchayoq ñak’arinanchispaqqa, chaytan Biblia allinta yachachin. Diosqa manan runataqa ñak’arinanpaqchu kamaran. Adanwan Evawanmi Dios contra jatariranku, chhaynapi munasqankuman jinalla kausanankupaq. Chaymi Diosta mana kasukusqankumanta ñak’ariranku.

Noqanchispas Adanwan Evawan Diosta mana kasukusqankumantan ñak’arillanchistaq. Chhaynaqa, manan Dioschu juchayoq ñak’ariykunamantaqa.

Biblian nin: “Pipas pruebapi tarikuspaqa ama nichunchu: ‘Diosmi pruebaman churawashan’, nispaqa. Imaynan Diosqa mana imawanpas tentasqachu kanman, chhaynallataqmi payqa mana pitapas mana allinkunawanqa pruebaman churanmanchu”, nispa (Santiago 1:13). Chhaynaqa manan pipas librechu kanchis ñak’ariykunamantaqa, ni Dios sonqo runakunapas.