¿Dioschu Saqrata kamaran?

¿Ima ninmi Biblia?

Bibliaq nisqan jinaqa manas Dioschu Saqrataqa kamasqa, aswanpas payqa ch’uya angeltas kamasqa, chaymantañas chay angelqa pay kikillanmanta Saqraman tukupusqa. Deuteronomio 32:3-5 textopin Diosmanta nin: “Junt’asqan ruwasqankunaqa, chaninmi ruwasqankunaqa, junt’aq Diosmi payqa, mana waqlliqmi payqa, chanintaq cheqaqtaqmi payqa”, nispa. Kay textopi nisqan jina, Diospa ruwasqankunaqa chaninmi, chhaynaqa Saqraqa allin angelchá qallariypiqa karan.

Jesuspa nisqan jinaqa Saqraqa ‘t’aqakapuransi cheqaq kaqmanta’ (Juan 8:44). Chhaynaqa, manaraq cheqaq kaqmanta t’aqakapushaspaqa Saqraqa allin, ch’uya angelchá karan.

Jehová Diosqa llapan angelkunata runakunatapas kamaran paykunallamanta imatapas ajllakunankupaq jinan. Chay angelpas atinmanmi karan allin kaq ruwayta. Ichaqa payllamantan Jehová Dios contra jatariran, Adanta Evatapas juchamanmi tanqaykuran, chhaynapin chay angelqa pay kikillanmanta Satanasman tukupuran, chay sutiqa “contrapi churakuq” ninantan nin (Génesis 3:1-5; Apocalipsis 12:9).