¿Imaraykun navidadta mana festejankuchu?
Runakunaq piensasqan
Ninkun: Jehová Diospa testigonkunaqa manan Jesuspi iñinkuchu, chaymi mana navidadta festejankuchu, nispa.
Creesqayku: Noqaykuqa cristianokunan kayku. Chaymi creeyku Jesuslla llapa runaman salvacionta apamunanpi (Hechos 4:12).
Ninkun: Navidad fiesta contrapi yachachisqaykichiswanmi familiakunata t’aqanachinkichis, nispa.
Creesqayku: Noqaykuqa llapa familiakuna sumaq kausanankutan munayku. Chaymi Bibliawan yachachiyku sumaqta kausanankupaq.
Ninkun: Navidad fiestaqa thaj kausayta, qoykukuq kayta rikuchinapaqmi, chaytan mana munankichischu, nispa.
Creesqayku: Noqaykuqa sapa p’unchaymi kallpachakuyku thaj kausayta qoykukuq kaytapas rikuchinaykupaq (Proverbios 11:25; Romanos 12:18). Jesuspa kamachikusqanta kasukuspan ‘gratislla’ yachachiyku, manataqmi juñunakuyniykupi qolqeta mañaykuchu (Mateo 10:8). Jinaspapas Diospa gobiernon thaj kausay apamunanmantan llapa runakunaman willayku (Mateo 10:7).
¿Imaraykun mana navidadta festejankuchu?
Jesusqa wañupusqan p’unchayta yuyarinapaqmi kamachiran manan nacesqan p’unchaytachu (Lucas 22:19, 20).
Manan Jesuspas qatikuqninkunapas navidad fiestataqa ruwarankuchu. Diccionario del Cristianismo nisqa libron nin: “[Chay fiestaqa] Roma llaqtapin qallariran 330 watapi jina”, nispa. Chayqa karan Jesuspa wañupusqanmanta 200 wata qhepata jinañan.
Bibliaqa manan willanchu Jesús ima p’unchaypi nacesqanta. Manan ima pruebapas kanchu 25 diciembre killapi nacesqanmantaqa.
Navidad fiestapiqa ñaupa tiempopi pantasqa religionkunaq ruwasqantan ruwanku. Diosqa manan allinpaqchu chayta qhawarin (2 Corintios 6:17).
Llapa runan chay fiestataqa ruwan, ¿manachu Testigokunapas ruwankuman?
Askha runakunañan yachanku navidad fiestaqa Bibliaq contranpi kasqanta, pantasqa religionkunamanta jamusqantapas. Ichaqa ninkun: “Ima juchataq kanmanri, llapa runataq chaytaqa ruwashan”, nispa.
Biblian llapanchista niwanchis: “Tukuy yuyayniykichiswan Diosta serviychis”, nispa (Romanos 12:1, 2). Nillantaqmi: ‘Yayata adoraychis cheqaq kaywan’, nispa (Juan 4:23, 24). Respetaykun runakunaq piensasqanta. Ichaqa manan runakunata kusichinaykuraykuqa Diospa kamachikuyninta p’akiykumanchu.