¿Imaraykun mana “iglesia” ninkuchu juñunakunanku wasita?

Griego simipi “iglesia” nisqa simiqa iñiq runakunamantan rimashan, manan juj wasimantachu nitaq juj edificiomantachu.

Juj kutinmi apóstol Pablo Roma llaqtapi cristianokunaman cartata apachiran. Chay cartapin Aquilaman Priscilamanwan napaykuyta apachispa niran: “Paykunaq wasinkupi juñukuq iglesiatapas napaykapuwaychis”, nispa (Romanos 16:5, Diospa Simin Qelqa). Chaypiqa manan Pabloqa wasimanchu napaykuyta apachisharan, aswanmi Aquilaq Priscilaq wasinpi juñukuq runakunaman.a

Chaymi juñunakunayku wasita “iglesia” ninaykumantaqa “juñunakuna wasi” niyku.

¿Imaraykun “juñunakuna wasi” nikun?

Imaymana razonkunan kan chaypaq, wakinmanta yachasun:

• “Juñunakuna wasi” nispaqa niyku chaypi juñunakusqaykuraykun.

• Chaypin juñukuyku Jehová Diosta adoranaykupaq, paymanta yachanaykupaqwan (Salmo 83:18; Isaías 43:12).

• Chaypin yachayku Diospa gobiernonmanta, chay gobiernomantan Jesuspas mayta rimaq (Mateo 6:9, 10; 24:14; Lucas 4:43).

Invitaykikun juñunakunayku wasiman jamunaykipaq, chhaynapin yachanki imaynatas juñunakuyniykuta apariyku chayta.