INTERNETPI QELQANCHISKUNA Watchtower
Watchtower
INTERNETPI QELQANCHISKUNA
quechua (Cusco)
  • BIBLIA
  • QELQAKUNA
  • JUÑUNAKUYKUNA
  • ijwyp yachachikuy 77
  • ¿Imaynatan Biblia yanapawanman? Juj parte: Bibliata imayna leenamanta

Manan kaypaq video kanchu

Pampachaykuway, manan atikushanchu kay videota qhawanaykipaq.

  • ¿Imaynatan Biblia yanapawanman? Juj parte: Bibliata imayna leenamanta
  • Wayna-sipaskunaq tapukusqan
  • Subtitulokuna
  • Kaykunatawan qhaway
  • ¿Imaraykun ancha allinpuni Bibliata leey?
  • ¿Imaynatan Bibliata leewaq?
  • ¿Iman yanapasunkiman Bibliata allinta estudianaykipaq?
    ¿Munawaqchu wiñaypaq kusisqa kausayta? Bibliata estudiasun
  • Bibliata allinta entiendenapaq qanchis yanapaykuna
    Qhawaq Jehová Diospa Reinonmanta Willashan 2010
  • Tukuy yuyaywanmi Bibliataqa leenanchis
    Qhawaq Jehová Diospa Gobiernonmanta Willashan (estudianapaq) 2023
  • Jehová Diospa yachachikuyninta chaskikusun
    Qhawaq Jehová Diospa Gobiernonmanta Willashan (estudianapaq) 2016
Astawan rikunaykipaq
Wayna-sipaskunaq tapukusqan
ijwyp yachachikuy 77
Juj wayna Bibliata leeshan chaypipas kashanman jinatan yuyaykushan

WAYNA-SIPASKUNAQ TAPUKUSQAN

¿Imaynatan Biblia yanapawanman? Juj parte: Bibliata imayna leenamanta

15 watanpi kashaq Briana nin: “Biblia leeytaqa qallarirqanin ichaqa nishu askha kasqanta qhawarispan saqepuq kani”, nispa.

¿Chhaynapichu qanpas tarikushanki? Chhayna kaqtinqa kay yachachikuymi yanapasunki.

  • ¿Imaraykun ancha allinpuni Bibliata leey?

  • ¿Imaynatan Bibliata leewaq?

  • Wayna-sipaskunaq tapukusqan

¿Imaraykun ancha allinpuni Bibliata leey?

¿Aburrikunapaq jinachu Biblia leeyta qhawarinki? Yaqapaschá Bibliaqa qhawarisqaykiman jina nishu askha paginakunayoq, juch’uy letrachakunayoq, mana dibujokunayoq ima. Ichaqa televisionta, internetpi videokunatapas sumaqpaqchá qhawarinki Biblia leeymantaqa.

Ichaqa kaypi piensay, antiguo cajata qoriyoqta tarispa manachu usqhaylla kicharqoyta munawaq.

Chay qoriyoq caja jinan Bibliapas. Chaypin tarinki askha qori jina yachachikuykunata, chaykunataq yanapasunki:

  • Allinta imatapas decidinaykipaq.

  • Tayta-mamaykiwan kusisqa kausanaykipaq.

  • Allin amigokunata tarinaykipaq.

  • Ama imamantapas nishuta llakipakunaykipaq.

¿Imaynapin unay tiempomanta kaq libro yanapawasunman? ‘Diospa simin qelqapi qelqasqa kaqqa llapallan Diospa yuyaychasqan’ kasqanrayku (2 Timoteo 3:16). Chayqa nishan Bibliapi consejokuna tarisqanchisqa ancha yachayniyoq Diosmanta jamusqanta.

Juj junt’a qoriyoq antiguo caja

Bibliaqa antiguo caja qoriyoq jina. Chaypiqa ancha valorniyoq yachachikuykunatan tarinki.

¿Imaynatan Bibliata leewaq?

Leewaqmi qallariymanta tukukuyninkama. Chaymi yanapasunki lliu Bibliapi imamantachus willashan chayta yachanaykipaq. Chhaynata leenaykipaq kay iskay ejemplokuna kashan:

  • Leewaqmi ordenpi Bibliapi kaq llapan 66 librokunata, Genesismanta Apocalipsiskama.

  • Chaymantapas Bibliataqa leewaq ima tiempopichá imapas pasarqan chay ordenpi.

Kayta ruwawaq: Kay Bibliata estudianapaq yanapaykuna qelqapi 4-A kaq recuadropin tarinki kay pachapi Jesuspa kausasqanmanta.

Khaynatan Bibliata leellawaqtaq: Ajllakuwaqmi juj willakuyta ima problemaykipipas yanapanasuykipaq. Kinsamanta yachasun:

  • ¿Munawaqchu confianapaq jina cheqaq amigokunayoq kayta? Chhaynaqa Bibliapi leey Davidmanta Jonatanmantawan willakuyta (Leey 1 Samuel 18-20 capitulokunata). Chaymantataq kayta tapukuy: ¿Imakunatataq Jonatán qhawarinman karqan Davidmanta amigon kananpaq?

  • ¿Munawaqchu saqraq tentacionninkunata atipayta? Chaypaqqa leewaqmi Bibliapi Josemanta willakuyta, imaynatas pay atiparqan tentacionkunata chaymanta (Leey Génesis 39 capitulota). Chaymantataq tapukuy: ¿Iman yanaparqan Joseta tentacionkunaman ama urmananpaq?

  • ¿Munawaqchu yachayta imaynatas yanapasunkiman Diosmanta mañakuy chayta? Chayta yachanaykipaqqa leey imachus Nehemiasta pasasqanta (Leey Nehemías 2 capitulota). Chaymantataq qhaway Jehová Diosmanta jamuq kusikuymi kallpachawasun (Juj kaq parte) nisqa videota. Chay qhepamantaq yuyaymanay imaynatan Nehemiaspa ejemplonta qatikuwaq chaypi.

Kaytan ruwawaq: Bibliata leenaykipaqqa ch’in ladotan maskhanayki chhaynapi tukuy yuyaywan leenki.

Chaymantapas khaynatan Bibliata leewaq: Ajllakuwaqmi juj willakuyta otaq juj salmosta chaymantataq piensay imaynatas chaykuna yanapasunkiman chaypi. Jinaspapas leesqayki qhepaman kaykunata tapukuy:

  • ¿Imarayku Jehová Dios Bibliapi kayta qelqachirqan?

  • ¿Bibliapi kay leesqay imatan Jehová Diosmanta, imayna piensasqanmantapas yachachiwan?

  • ¿Kay leesqay imaynata kausayniypi yanapawanman?

Kayta ruwawaq: Bibliata leenaykipaq kallpachakuy. Internetpi maskhawaq “Bibliata leenapaq programa”, nisqa qelqata. Chayman jinataq Bibliaykita leewaq, ima fechapichus leeyta qallarisqaykitataq chaypi anotakuwaq.

Juj wayna-sipaskunaq nisqanku

Chloe

Chloe sutiyoq sipasmi nin: “Bibliata leenaypaqqa ajllani ima librokunachus interesawasqanta. Chaymi kallpachawan Bibliata sapa p’unchay leenaypaq. Proverbios libron anchata gustawan, chaypi kaq yachachikuykunaqa maytan kallpachawan”, nispa.

Stefan

Stefan sutiyoq wayna nin: “Manaraq puñushaspan leeni Salmos libromanta juj capitulota mayninpitaq iskayta. Chaypin repararqani Salmos librota qelqaqkunaqa noqanchis jina llakikuyniyoq kasqankuta. Ancha importanten manaraq p’unchay tukukushaqtin allinkunapi piensayqa, chaymi Salmos librota leesqay iñiyniyta astawan kallpachan Jehová Dios cheqaq sonqochakuq kasqanpi”, nispa.

    Quechua (Cuzco) Qelqakuna (2001-2025)
    Wisq'ay
    Jaykuy
    • quechua (Cusco)
    • Jujman apachiy
    • Imaynatan munanki
    • Copyright © 2025 Watch Tower Bible and Tract Society of Pennsylvania
    • Imatan ruwawaq imatan mana
    • Datoskunata waqaychasqaykumanta
    • Configuración de privacidad
    • JW.ORG
    • Jaykuy
    Jujman apachiy