¿Imaynatan Escuela del Ministerio Teocrático yanapawanchis?
1 Jehová Diospa llaqtanqa hatun privilegiotan chaskin Dioswan yachachisqa kaspa (Isa. 54:13; Juan 6:45). Sapankanchista yanapawananchispaqqa anchatan kallpachakunanchis. ¿Reparakushankichu Escuela del Ministerio Teocrático espiritualpi yanapasusqaykita?
2 Allin rimasqanku. Escuelamanta superintendentekunan reparanku, oratoriamanta allin estudiasqanku sapanka congregacionkunapi yanapan allinta predicanankupaq. Huk superintendentepas nillantaqmi, Bibliamanta puntos sobresalientes nisqapi, uyariqkuna comentasqankumantapachan, askha hermanokuna Bibliapaq programata leeshallanku. Iskay kaq discursomantapas askha hermanokunan anchata kusikunku, manañan llakikunkuchu discursonkuta imayna qallarinankuta tukunankutapas, aswanmi allin leeypi interesakunku (1 Tim. 4:13).
3 Llapanchistan yanapawanchis. Huñunakuykunapi comentaspaqa kusikusunmanmi (Pro. 15:23). Ñawpaqmanta programasqa repaso chaskisqanchismi yanapawanchis preparakunanchispaq, repasopi mana sasata kutichinanchispaq. 1 de enero 2004 watamantapachan Atalayapi lloqsimushan, allin puntokuna, Escuela del Ministerio Teocraticoq programasqaman hina, Bibliata leenapaq. Kaykunan yanapan wayqe pananchiskunata, kallpachananpaq hina comentanankupaq puntos sobresalientes ruwakushaqtin.
4 Escuelapi matriculasqa kaqkunapaqqa hatun privilegion preparakuypas, discurso qoypas. Llapanchistan yanapawanchis escuelapi superintendenteq allin comentasqan. Estudiantekunatapas yanapanmi huñunakuy tukuqtin, superintendente sapallankuman consejota qoqtin. Benefíciese de la Escuela del Ministerio Teocrático libropi, sapanka temaq tukuyninpin tarikun ejercicios prácticos nisqa sutiyoq oratoriapaq yanapaykuna.
5 Sapa kutillan escuela huñunakuy kashaqtin otaq tukusqan qhepamanpas, Bibliamanta importante yanapaykunata uyarispaqa qelqaykuy Benefíciese libroykipi. Yuyaymanay yachasqaykipi, qhawariytaq imaynatan Diospa yachachisqan espiritualpi wiñanaykipaq yanapasunki.