Wawaykikunata yanapay predicaypi wiñanankupaq
1 Cristiano taytamamakunaqa wawankutan huch’uychanmantapacha yachachinanku predicayta, chaymi taytamamaq ruwananqa. Askha yanapaykunan kan kayta aypanapaq. Wakin wawakunaqa manaraq leeyta yachashaspan yuyayllankumanta rimanku Bibliapi huk textomanta, yaqapaschá chayqa uyariqkunata admirachin. Wiñasqankuman hina astawanmi predicankuman. ¿Imaynatan chaypaq taytamamakuna yanapawaqchis? Yanapasunkichismanmi qatimuq yanapaykuna.
2 Runata napaykuspa, niwaqmi:
◼ “Waway [niy sutinta], munashan Bibliamanta huk importante textota uyarinaykita.” Wawan ninman: “Kay textowanmi yacharani Diospa sutinta [wawa leen otaq yuyayllanmanta riman Salmo 83:18 textota]. Kay revistakunan yachachin imatan Jehová Dios ruwanqa ñoqanchispaq. ¿Saqeykimanchu?”.
3 Khaynatapas niwaqmi:
◼ “Imaynalla kashanki. Ususiy [niy sutinta] yachachishani kay llaqtapi tiyaq runakunapi interesakunanpaq. Bibliapi huk willakuyta yanapanasuykipaq qhawarichiyta munasunki.” Erqechan ninman: “Hamuq tiempopaq Bibliapi suyakuy qosqanmantan willayta munayki [erqecha leen otaq yuyayllanmanta willan Apocalipsis 21:4 textota]. Kay revistakunan yachachin imatan Diospa kamachikuynin ñoqanchispaq ruwanqa. Munankin leeyta”.
4 Sapa kutin rimanankupaq atikuqllata yachachinkichis chayqa, mana manchakuspan wawakunaqa Diospa Siminmanta willanqaku. Wawaykichiswan ensayaspaqa yachachiychis, allin kunkawan allinta entiendekuqta hina rimanankupaq, chhaynapin listo kanqaku maypipas predicanankupaq. Ñawpaqmanta allinta preparasqayki, kallpachasqaykipas, wawakunata yanapanqa iñisqankumanta rimanankupaq.
5 Taytamamanpa yanapayninwanmi askha wawakuna mana bautizasqa publicador kanankupaq kamachikuykunata hunt’ashanku. ¡Anchatan kusikunchis cristiano predicaypi wawakuna wiñasqanmanta! (Sal. 148:12, 13.)