¡Ñawpaqman risun, Diosmanta willaqkuna!

1. Llapan runaman willamusun

Jehová Diosninchismanta.

Llamp’u runata yanapasun

Diosta kasukunanpaq.

Diospaq llank’ayqa sumaqpunin,

chaymi kusisqa llank’ana.

Paypa sutinta willamusun

llapan uyariy munaqman.

2. Llapan ñawpaqman puriqmanqa

Diosmi premiota qonqa.

Chaymi Jesusta qatikuna

ch’uyanchasqa sonqowan.

Lliwpas allintan uyarinan

Diospa kawsachiq siminta.

Diosmi kallpanta qowasunchis

mana manchakuq kanapaq.

3. Hanaq pachapaq kaqkunawan

ch’ulla yuyaylla kasun.

Diospa llaqtanpi lliw kaqwanpas

allin ñanllanta risun.

Diospa llank’ana qosqantaqa

lliwmi allinpaq qhawana,

chaymi kallpata hap’inanchis

ch’uya kawsaypi kanapaq.