¿Imakunamantan Bibliapi yachasunman? folletowan yanapachikusun
1. ¿Ima mosoq yanapaymi kan predicananchispaq?
1 ¿Imakunamantan Bibliapi yachasunman? mosoq folleton Razonamiento libro hina Bibliamanta textokunawan explicashan askha temakunata. Chhayna ruwasqa kasqanmi yanapawanchis runakunawan parlayta qallarinapaq. ¿Imaynatan chay folletowan yanapachikusunman predicayta qallarishaspa?
2. ¿Imaynatan mosoq folletowan predicasunman?
2 Sichus 8 tapuyta utilizayta munanchis chayqa kay hinatan qallarisunman: “Vecinokunawan parlamushaspan, yaqa llapallanku tapukunku: ‘¿Dioschu huchayoq ñak’arisqanchismanta?’, nispa [wakin predicakusqan territoriopiqa allinpunin folletomanta tapuyta ruway]. ¿Ima ninkin chaymanta? [Uyariy kutichisqanta]. Bibliaqa sut’itan chaymanta willawanchis”, nispa. Chaymanta leewaq otaq explicawaq 8 tapuypi kaq textokunata. Sichus astawan yachayta munan chayqa, qallariy paginapi 20 tapuykunata qhawachiwaq, hinaspa niwaq mayqenmantan yachay munasqanta. Otaq mayqen qelqawanchus estudiota qonchis chaytan munachisunman, hinaspan nisunman: “Kay qelqapin astawan rimashan parlasqanchis temamanta”, nispa.
3. ¿Imaynatan mosoq folletowan predicasunman mana religionniyoq otaq Diospi mana creeq runakunaman?
3 Mana religionniyoq otaq Diospi mana creeq runakunamanqa 4, 13-17 tapuykunawanmi predicasunman. 17 tapuywan predicanaykipaq kay hinata qallariwaq: “Familiakunata yanapanaykupaqmi huk ratolla visitamushayku. Llapa familiakunapas askha problemakunapin rikukushanku. ¿Ima ninkin chaymanta? [Uyariy kutichisqanta.] Askha casarasqakunan allinpaq qhawarinku kay rimayta: ‘Esposaqa anchatan respetanan esposonta’, nispa [manan willanaykiraqchu Efesios 5:33 textopi chay rimay tarikusqanta. Warmiman predicashaspaqa Efesios 5:28 textopi nisqanta willariwaq]. ¿Allintachu kawsankuman chay nisqanta kasukuspa?”, nispa.
4. Mana religionniyoq otaq Diospi mana creeq runakunaman parlayta tukushaspa, ¿imatan ruwawaq?
4 Predicayta tukushaspa tapuwaq: “¿Hukpi astawan parlasunmanchu kay temamanta?”, nispa. Kutispataq chay folletopi huknin textomantañataq rimawaqchis. Qhepakunamanqa willawaqmi chay rimaykunata Bibliamanta horqosqaykita. Imaynatachus Bibliata qhawarin, astawanchus yachayta munan, chaykunata qhawarispan interesasqan qelqanchista munachiwaq (qhaway 2013 diciembre killamanta Diosmanta Willasunchis qelqapi 3-6 paginakunata).